Տիգրան Ավինյանը՝ Երևանում ծառահատումների կասեցման մասին. Եթե կա այլ գիտական կարծիք, մենք պատրաստ ենք լսել, իսկ եթե ոչ ՝ պետք չէ քաղաքից ժամանակ խլել

Արմինֆո. Կարևոր է պահպանել պայմանավորվածությունները.եթե կա այլ գիտական կարծիք, մենք պատրաստ ենք լսել, իսկ եթե՝ ոչ, պետք չէ քաղաքից ժամանակ խլել։ Այդ մասին, ապրիլի 8-ին քաղաքապետարանում կայացած աշխատանքային խորհրդակցության ժամանակ նշել է Երեւանի քաղաքապետ Տիգրան Ավինյանը ՝ խոսելով Երեւանում ծառահատումների ժամանակավոր դադարեցման հետ կապված իրավիճակի մասին։ Նշենք, որ Ավինյանի այս որոշումը կայացվել է նախօրեին քաղաքապետարանի մոտ տեղի ունեցած բողոքի ակցիայից հետո:

"Ես հայտարարել եմ, որ մենք կդադարեցնենք ծառերի փոխարինման ծրագիրը, բայց գիտական հանրությունից ակնկալում ենք գրավոր հիմնավորում, փաստաթուղթ, որն, առնվազն, կասկածի տակ կդնի, այն փաստաթուղթը, որն ավելի վաղ ընդունվել էր ավելի քան 20 գիտնականների կողմից ՝ քաղաքում ծփիների և հացենիների փոփարինման անհրաժեշտության մասին, որոնք պատշաճ կերպով չեն կատարում իրենց գործառույթները։ Կարևոր է, որ տեղի ունենան գիտական քննարկումներ>, - ասել է քաղաքապետը։

Հակառակ դեպքում, այն, ինչ տեղի է ունենում, ինչպես նշել է Ավինյանը, նման կլինի սիրողական զգացմունքային խոսակցությունների։ Նա նշել է, որ այդ ծառերի փոխարինման անհրաժեշտության մասին վաղուց է խոսակցություն եղել, այդ թվում ՝ ընդդիմության ներկայացուցիչների կողմից ։

Իր հերթին՝ "Կանաչապատում և շրջակա միջավայրի պաշտպանություն" ՀԿ-ի պետ Արմեն Բեգոյանը տեղեկացրել է, որ գիտական հանրության կողմից դեռևս որևէ հակափաստարկ չի ներկայացվել:

Նա, մասնավորապես, պատմել է, որ ԳԱԱ-ում տեղի են ունեցել քննարկումներ, որոնց մասնակցել են տարբեր շահագրգիռ գերատեսչություններ: Ամփոփելով կայացած հանդիպումը ՝ Բեգոյանը նշել է, որ մեծամասնությունը կարծիք է հայտնել մայրաքաղաքում ծփիների փոխարինման անհրաժեշտության մասին: Միակ բողոքը հնչեցվել է երկու ոլորտային ինստիտուտների կողմից, որոնք ցանկություն են հայտնել ներգրավվել գիտատեխնիկական խորհրդում, որը զբաղվում է մայրաքաղաքի կանաչապատման և էկոլոգիայի արդիական հարցերով: "Ես խոստացել եմ, որ այդ կառույցներից եւս մեկ գիտնական կներգրավվի, եւ սրանով այդ քննարկումներն ավարտվել են", - ասել է նա, հավելելով, որ այդ խնդիրը Երևանի գլխին կախված է 2000 թվականից, և մինչ օրս ինստիտուտներից ոչ մեկը հետազոտություն չի իրականացրել այդ ոլորտում։ "Այս ծառերը սպառել են իրենց, անհարմար են Երևանի կլիմայի համար և բերվել են այստեղ որպես արագ և հեշտ լուծում", - ասել է Բեգոյանը, նշելով, որ, հաշվի առնելով մայրաքաղաքում ծփիների մեծ քանակը, դրանց փոխարինումը կկատարվի 10-20 տարվա ընթացքում:

Հիշեցնենք, որ ապրիլի 3-ին Երևանի քաղաքապետարանի դիմաց բողոքի ակցիա էին կազմակերպել մայրաքաղաքի բազմամյա ծառերի հատման և դրանք նոր ծառատեսակներով փոխարինելու դեմ բողոքող ակտիվիստները: Փորձագիտական համայնքում կարծում են, որ Երևանի մի շարք փողոցներում ծառերի փոխարինման լայնածավալ ծրագիր իրականացնելիս քաղաքապետարանը չի դիմել պետական փորձագիտական կառույցներին ՝ նրանց կարծիքը ստանալու համար: Ոչ Գիտությունների ազգային ակադեմիայի Բուսաբանության ինստիտուտը, ոչ Շրջակա միջավայրի վրա ազդեցության գնահատման փորձագիտական կենտրոնը տեղեկացված չեն եղել նախագծի մասին և, համապատասխանաբար, իրենց կարծիքն արտահայտելու հնարավորություն չեն ունեցել: Սույն ծրագիրը պատրաստվել է «Կանաչապատում և շրջակա միջավայրի պահպանություն» համայնքային ոչ առևտրային կազմակերպության ղեկավարության կողմից: Որոշումն ընդունվել է կազմակերպության աշխատանքային ժողովում, իսկ ծրագրի առավել կարևոր հարցերը քննարկվել են այդ կազմակերպության ղեկավարին առընթեր գիտատեխնիկական խորհրդում:

Հիշեցնենք, որ ծառեր են հատվել Թումանյան, Մոսկովյան, Սայաթ-Նովա, Ամիրյան, Ալեք Մանուկյան և այլ փողոցներում: Ըստ քաղաքապետարանի հաղորդագրության՝ անցած տարվանից ակտիվորեն իրականացվում է կենսունակության կորստի փուլում գտնվող և ամբողջովին դեֆորմացված ծառերը արժեքավոր ծառատեսակներով փոխարինելու ծրագիր: Սակայն մասնագետներն ու քաղաքացիներն ահազանգում են, որ զանգվածային սպանդ է տեղի ունենում, քանի որ "սղոցի տակ" հայտնվել են ոչ թե հին, այլ երիտասարդ ծառեր ։ Բնապահպանական կազմակերպությունների ներկայացուցիչները տեղի ունեցածը որակել են վանդալիզմի ակտ։ Նրանց խոսքով, գլոբալ տաքացման պայմաններում արդեն ամռանը, շոգի պայմաններում, Երեւանը կբախվի լրջագույն խնդրի, որը կապված է կանաչ տարածքների պակասի հետ, որոնց տակ կարելի էր պատսպարվել շոգից եւ քաղաքում օդի աղտոտվածության աճի առնչությամբ: