http://www.arminfo.am/ Arminfo: Նորություններ <p>Մայիսի 31-ին Երևանում տեղի կունենա ԵԽԽՎ մշտական հանձնաժողովի նիստը:<br /><br />Բացի այդ, ԵԽԽՎ նախագահ Կլոդ Մինյոնը կհանդիպի ՀՀ նախագահ Սերժ Սարգսյանի, խորհրդարանի խոսնակ Հովիկ Աբրահամյանի և արտգործնախարար Էդվարդ Նալբանդյանի հետ: Քնարկումները հիմնականում կենտրոնացված կլինեն Հայաստանի նախագահության առաջնահերթությունների, մասնավորապես, Ասսամբլեայի և նախարարների Կոմիտեի միջև քաղաքական երկխոսությանն առնչվեղ մի շարք հարցերի վրա: Օրակարգում կլինեն նաև այլընտրանքային ազատազրկման, գենդերային հավասարության, ինչպես նաև 2014-2015 թվականների բյուջեին վերաբերվող հարցեր:<br /><br />ԵԱՀԿ Եվրոպական Միացյալ Ձախ (UEL) խմբի կողմից առաջարկվել է դեբատներ կազմակերպել ՙԼեռնային Ղարաբաղի հակամարտություն, 25 տարի անց՚ խորագրով:</p> http://www.arminfo.am/index.cfm?objectid=A63B5FC0-C446-11E2-92E8F6327207157C Քաղաքականություն http://www.arminfo.am/index.cfm?objectid=A63B5FC0-C446-11E2-92E8F6327207157C Fri, 24 May 2013 07:50:00 GMT <p>Նախնական տվյալներով, 1 կվտ/ժ էլեկտրաէներգիան Հայաստանի բնակչության համար կթանկանա 27 %-ով: Այդ մասին մայիսի 23-ին լրագրողներին հաղորդել է ՀՀ Հանրային ծառայությունները կարգավորող հանձնաժողովի սակագնային քաղաքականության վարչության պետ Գարեգին Բաղրամյանը:<br /><br />Նա նշել է, որ էլեկտրաէներգիայի գնի բարձրացման հիմնական պատճառը Հայաստան ներմուծվող ռուսական բնական գազի թանկացումն էր: ՙՄինչև գների բարձրացումը 1 կվտ/ժ էլեկտրաէներգիայի ցերեկային սակագինը կազմում էր 30 դրամ, իսկ գիշերայինը` 25 դրամ: Իսկ հիմա ցերեկայինը կկազմի 37 դրամ, իսկ գիշերայինը` 32 դրամ:<br /><br />Նշենք, որ Հանձնաժողովի նախնական հաշվարկների համաձայն, Հայաստանում 1 խմ բնական գազի գինը բնակչության համար կկազմի 156 դրամ: Մինչև ներմուծվող գազի գների բարձրացումը 1 խմ բնական գազի գինը կազմել է բնակչության համար 132 դրամ:<br />Հիշեցնենք, որ ելնելով գազի ներմուծման գինը Հայաստանի համար ներկայիս 1 հազար խմ դիմաց $180-ից մինչև $ 270 բարձրացնելու ՙԳազպրոմի՚ առաջարկից`օրերս վերջինիս դուստր ՙՀայՌուսգազարդ՚ ՓԲԸ-ն (80%-ը պատկանում է ՙԳազպրոմին, 20%-ը`Հայաստանին/ դիմել է Հանրային ծառայությունները կարգավորող հանձնաժողովին (ՀԾԿՀ)՝ գազի սակագինը վերանայելու հայտով: ՙՀայՌուսգազարդը՚ առաջարկում է մինչև 10 հազ. խմ սպառողների համար (բնակչության) 1000 խմ գազի ներկայիս 132 հազ. դրամ գինը բարձրացնել մինչև 221 հազ. դրամի: Խոշոր գազ սպառողների համար առաջարկվում է բարձրացնել գազի գինը մինչև $392: ՀՀ կառավարությունը սահմանին գինը մոտավորապես 30% սուբսիդավորելու վերաբերյալ որոշում է կայացրել, սակայն սուբսիդավորման մեթոդիկան պարզ կլինի ռուսական կողմի հետ բանակցությունների ավարտից հետո, որն արդեն Հայաստան 1 հազար խմ դիմաց $180 գնով բնական գազ մատակարարելու պատրաստակամություն է հայտնել, մինչև ՙերկնագույն վառելիսի՚ գնի շուրջ բանակցային գործընթացի ավարտը: </p> http://www.arminfo.am/index.cfm?objectid=840207A0-C3A2-11E2-A3DEF6327207157C Տնտեսություն http://www.arminfo.am/index.cfm?objectid=840207A0-C3A2-11E2-A3DEF6327207157C Thu, 23 May 2013 12:15:00 GMT <p>&nbsp;Հունիսի 1-ից մինչև հոկտեմբերի 26-ը վրացական Georgian Airways ավիաընկերությունը կսկսի Երևան-Թբիլիսի-Երևան չվերթներ իրականացնել: Ինչպես հաղորդել է ավիաընկերության մամուլի ծառայությունը, չվերթները կիրականացվեն Boeng 737 և&nbsp; CRJ 200 ինքնաթիռներով:<br /><br />Ավելացնենք, որ ապրիլի 1-ից ՙԱրմավիայի՚ կողմից բոլոր թռիչքների դադարեցումից և սնանկության ընթացակարգ սկսելուց անմիջապես հետո մի քանի ավիրաընկերություններ հայտարարել էին գոյացած վակուումը լրացնելու ցանկության մասին:</p> http://www.arminfo.am/index.cfm?objectid=17848D10-C3A1-11E2-A3DEF6327207157C Տնտեսություն http://www.arminfo.am/index.cfm?objectid=17848D10-C3A1-11E2-A3DEF6327207157C Thu, 23 May 2013 12:04:00 GMT <p>&nbsp;Մինչև տարեվերջ Հայաստանում կընդունվի Մեծամորի ԱԷԿ շահագործման ժամկետների երկարաձգման ծրագիր: Այդ մասին մայիսի 23-ին հաղորդել է էներգետիկայի և բնական պաշարների փոխնախարար Արեգ Գալստյանը` ՙԻնտեր ՌԱՕ ԵԷՍ՚ ԲԲԸ գլխավոր ինժեներների հինգերորդ տեխնիկական սեմինարի ընթացքում:<br /><br />Նրա ասելով, ծրագիրը մշակվում է ՙՌոսատոմի՚ մասնագետների հետ համատեղ, որոնց հետ այդ հարցի շուրջ բանակցությունները, գործնականում, ավարտվել են: Միաժամանակ, ամենաուշը 10 տարում նախատեսվում է կառուցել նոր միջուկային բլոկ` 1000 մեգավատ հզորությամբ ռուսական ռեակտորով: Ընդ որում նախատեսվում է, որ ՙմիջուկային կղզին՚ կլինի լովին ռուսական, իսկ ՙտուրբինային կղզին՚ և մյուս համակարգերը ` մրցութային հիմունքով: Ռուսական կողմը ներդրումների տեսքով կֆինանսավորի ՙմիջուկային կղզու՚ իր մասը: Ինչ վերաբերում է Հայաստանի կողմից համաֆինանսավորմանը, ապա, ինչպես ափսոսանքով փաստել է փոխնախարարը, երկրի պետական բյուջեում համապատասխամ միջոցներ չկան: Այդ առնչությամբ նախատեսվում է նախագծի հայկական մասում ներգրավել այլ ներդրողների, որոնց հետ բանակցություններն առայժմ ոչնչի չեն հանգեցրել: Այդուհանդերձ, ռուսական կողմը պատրաստ է սուվերեն երաշխիքների դիմաց Հայաստանին վարկային ռեսուրսներ տրամադրել: Մինչդեռ, ինչպես նշել է Գալստյանը, ժամանակն արդեն սուղ է: ՙ2014 թվականը կլինի կրիտիկական, որի ընթացքում անհրաժեշտ է որոշակի քայլեր ձեռնարկել բլոկի կառուցման ուղղությամբ՚, - ընդգծել է փոխնախարարը: <br /><br />Հիշեցնենք, որ Հայաստանի էներգետիկայի և բնական պաշարների նախարարության տվյալներով, ՀԱԷԿ 1000 ՄՎտ հզորության նոր բլոկի կառուցման նախագծի արժեքը կարող է կազմել շուրջ 5 մլրդ դոլար: Նախագծի համար արտասահմանյան կապիտալ ներգրավելու նպատակով 2006 թվականին Հայաստանի խորհրդարանը վերացրել է միջուկային էներգաբլոկների սեփականատիրության իրավունքի պետական մենաշնորհը:</p> http://www.arminfo.am/index.cfm?objectid=78189D20-C382-11E2-9C16F6327207157C Տնտեսություն http://www.arminfo.am/index.cfm?objectid=78189D20-C382-11E2-9C16F6327207157C Thu, 23 May 2013 08:25:00 GMT <p>Կառավարող վարչախումբն անհիմն պատճառաբանություններով ամեն կերպ խուսափում է Արմավիրի մարզում տեղացած կարկուտից տուժած 10 գյուղերի բնակիչներին համարժեք փոխհատուցում տալու անհրաժեշտ քայլեր ձեռնարկելուց: Այդ մասին ասվում է ընդդիմադիր ՙՆախախորհրդարան՚ հասարակական նախաձեռնության` ԱրմԻնֆո գործակալությանը տրամադրված հայտարարությունում:<br /><br />ՙԱյս հանգամանքը ևս մեկ անգամ փաստում է վարչախմբի ապիկարությունը և յուրային ժողովրդի, մասնավորապես՝ գյուղացու հոգսերի նկատմամբ պատասխանատվության բացակայությունը: Ավելին՝ ըստ ամենայնի, վարչախմբի անգործության հետևանքով ժողովուրդը մատնվում է լրացուցիչ աղքատության և դրդվում օր առաջ լքելու Հայրենիքը: <br /><br />Նախախորհրդարանը ողջունում է Արմավիրի մարզի 10 գյուղերի ընբոստ բնակիչների քաղաքացիական անհնազանդության դրսևորումները և գտնում, որ ներկա ապազգային կառավարման պայմաններում միայն ինքնակազմակերպման նման միջոցներով կարելի է հասնել սեփական շահերի պաշտպանությանը: <br />Ողջունելով Արմավիրի մարզի բնակիչների պայքարը, անհրաժեշտ ենք համարում նշել, որ հետևանքների դեմ պայքարելուն զուգընթաց, անհրաժեշտ է աշխատել նաև դրանց բուն պատճառները վերացնելու ուղղությամբ: Միայն միասնական ճակատ կազմելով մենք կարող ենք վերացնել մեր ժողովրդի բոլոր դժբախտությունների ու տառապանքների պատճառը՝ Հայաստանի նորգաղութային վիճակն ու դրա գործիքի վերածված կառավարման համակարգը: Ուստի ընդհանրական շահը պահանջում է անձնական ու հատվածական պայքարի առուներն ուղղել դեպի ազգային ազատագրական պայքարի գետի, այն է նոր որակի պետության ստեղծման հունը՚, - ասվում է հայտարարության տեքստում:</p> http://www.arminfo.am/index.cfm?objectid=E6E67060-C2BF-11E2-96F3F6327207157C Հասարակություն http://www.arminfo.am/index.cfm?objectid=E6E67060-C2BF-11E2-96F3F6327207157C Wed, 22 May 2013 09:13:00 GMT