ՀՀ մշակույթի նախարար Հասմիկ Պողոսյանն ընդունել է Հայաստանում Իրանի Իսլամական Հանրապետության արտակարգ և լիազոր դեսպան պարոն Մոհամմադ Ռեյիսիին: Ինչպես ԱրմԻնֆո գործակալությանը հաղորդել են Հայաստանի մշակույթի նախարարության մամուլի ծառայությունից, ՀՀ մշակույթի նախարարը գոհունակություն ու շնոր­հակալություն է հայտնել հայ-իրանական մշակութային կապերի զարգացման, ինչպես նաև Իրանում հայկական պատմամշակութային ժառանգության պահպա­նության ուղղությամբ իրականացվող աշխատանքների համար:

 Հայաստանի և Ադրբեջանի նախագահների Փարիզում կայանալիք հանդիպումն է քննարկվել Մինսկի միջնորդների և Հայաստանի արտգործնախարար  Էդվարդ Նալբանդյանի Երևանում կայացած հանդիպմանը:

 Շախմատի նկատմամբ սերը հայերի արյան մեջ է, հայտարարել է ՖԻԴԵ նախագահ Կիրսան Իլյումժինովը` Երևանում «Շախմատը դպրոցներում» միջազգային խորհրդաժողովի բացմանը: Հոկտեմբերի 17-ին մեկնարկած միջոցառմանը մասնակցում են աշխարհի 30 երկրների պատվիրակություններ: Խորհրդաժողովի հանդիսավոր բացմանը ներկա են եղել ՀՀ նախագահ, Հայաստանի շախմատի ֆեդերացիայի նախագահ Սերժ Սարգսյանը, ՖԻԴԵ-ի ղեկավարը և այլ բարձրաստիճան հյուրեր:

«Ժառանգություն» կուսակցությունը դատապարտում է Հայաստանի Հանրապետության անունից ԵՏՄ-ին անդամակցելու մասին պայմանագրի ստորագրումը «դե ֆակտո» նախագահ Սերժ Սարգսյանի կողմից՝ այն ճանաչելով որպես հակասահմանադրական քայլ ընդդեմ Հայաստանի ու Արցախի ինքնիշխանության, որպես հայոց երկու պետականությունների անկախությանն ու անվտանգությանն ուղղված լրջագույն սպառնալիք: Այդ մասին ասվում է ԱրմԻնֆո գործակալությանը տրամադրված կուսակցության հայտարարության տեքստում:

Ինեկոբանկը և Ռոստելեկոմը համատեղ վարային քարտեն թողարկել Ռոստելոկոմի բաժանորդների համար, արտոնյալ պայմաներով: Ինչպես ԱրմԻնֆո գործակալությանը տեղեկացվել է բանկի լրատվական ծառայությունից, արտոնությունները վերաբերվում են վարկի տոկոսադրույքներին, ավելի քան 100 ծանութներում և սպասարկման կետերում 40% զեղչերին, ինչպես նաև եկամուտների մասին առանց տեղեկանք ներկայացնելու տրամադրվում է վարկ:

Հայաստանը պատրաստ է համագործակցել ԵՄ հետ հնարավոր բոլոր ոլորտներում: Այդ մասին Բրյուսելում հայտարարել է ՀՀ ԱԺ արտաքին հարաբերությունների մշտական հանձնաժողովի նախագահ, «Եվրանեսթ» խորհրդարանական վեհաժողովում ՀՀ պատվիրակության ղեկավար Արտակ Զաքարյանը`«Եվրանեսթ» խորհրդարանական վեհաժողովի Եվրախորհրդարանի պատվիրակության փոխնախագահ, Եվրոպական Խորհրդարանի ԵՄ-Հայաստան, ԵՄ-Ադրբեջան եւ ԵՄ-Վրաստան խորհրդարանական համագործակցության կոմիտեի անդամ Ռոլանդաս Պակսասի հետ հանդիպմանը:

Հայաստանի հարավում մետալուրգիական վերամշակող գործարան կառուցելու նպատակով «Քրոնիմետ Մայնինգ» ընկերությունը մտադիր է ներգրավել 200 մլն.դոլար: Ծրագրի նպաըակը օգտակար հանածոների արդյունահանման ընթացքում առաջացած լցակույտերի (պոչամբարներ) ապարների վերամշակումն է: Նախնական հաշվարկներով ներդրումները կարող են կազմել շուրջ 200 միլիոն ԱՄՆ դոլար, և կստեղծվի շուրջ 1800 աշխատատեղ:

Հայաստանի և Ադրբեջանի նախագահներ Սերժ Սարգսյանի և Իլհամ Ալիևի`հոկտեմբերի վերջին Փարիզում կայանալիք հանդիպումից ԵԱՀԿ Մինսկի խմբի համանախագահներն անկեղծ երկխոսություն և առաջընթաց են ակնկալում: Այդ մասին հայտարարել է ԵԱՀԿ ՄԽ Ռուսաստանից համանախագահ Իգոր Պոպովը`պատասխանելով նախագահների փարիզյան հանդիպումից ակնկալիքների վերաբերյալ ԱրմԻնֆո-ի հարցին:

ՀՀ բնապահպանության նախարարի հրամանով ստեղծված Գայլերի թվաքանակի կարգավորման և միջոցառումների իրականացման հանձնաժողովը սկսում է գայլերի մորթիների ընդունման աշխատանքները: 

Հայաստանի սահմանադրական բարեփոխումների նախագիծը լավ հիմք է հիմնական օրենքի բարեփոխումների վերաբերյալ առաջարիկությունների փաթեթ մշակելու համար, որոնք կամրապնդեն ժողովրդավարության սկզբունքները և պայմաններ կստեղծեն երկրում  օրենքի գերակայության և մարդու  իրավունքների պաշտպանության համար: Այդ մասին ասվում է Հայաստանի սահմանադրական բարեփոխումների նախագծի վերաբերյալ ԵԽ Վենետիկի հանձնաժողովի եզրակացությունում:

 Եվրախորհրդարանում ստեղծվել է Լեռնային Ղարաբաղի հետ բարեկամության խումբ, որի նպատակը ժողովրդավարական արժեքների, քաղաքացիական հասարակության զարգացմանն ու եվրոպական արժեքների արմատավորմանն աջակցելն է ԼՂՀ-ում:

Ոչ իշխանական քառյակի շարժումն ապագա չունի, քանի որ հետապնդում է միայն մեկ նպատակ. տապալել նախագահ Սերժ Սարգսյանին: Հոկտեմբերի 16-ի մամուլի ասուլիսում այդպիսի կարծիք է հայտնել Քրիստոնեադեմոկրատական կուսակցության առաջնորդ, ՀՀԿ խմբակցության պատգամավոր Խոսրով Հարությունյանը:

 Վարչապետ Հովիկ Աբրահամյանն ընդունել է Երևանի Բուզանդի, Հանրապետության, Եկմալյանի փողոցների բնակիչներին, ովքեր ակցիա էին անցկացնում կառավարրության շենքի առջև` պահանջելով փոխհատուցում իրենց բնակարանների դիմաց, որոոնք մի քանի  առաջ քանդվել են «գերակա հանրային շահի» շրջանակում:

Փոխվարչապետ, տարածքային կառավարման նախարար Արմեն Գևորգյանը հրաժարական է տվել: Այսօր կառավարության նիստում այդ մասին հաղորդել է վարչապետ Հովիկ Աբրահամյանը: Նրա ասելով, Արմեն Գևորգյանն այսուհետև իր գործունեությունը կշարունակի մասնավոր հատվածում, սակայն կշարունակի համագործակցությունը կառավարության հետ:

Եվրախորհրդարան-Լեռնային Ղարաբաղ բարեկամության պատգամավորական խմբի ստեղծման նախաձեռնությունը չափազանց կարևոր քայլ  է, որը վկայում է միջազգային կառույցների կողմից այն փաստի գիտակցման մասին, որ Լեռնային Ղարաբաղը դե-ֆակտո անկախ սուբյեկտ է` իր օրինական ճանապարհով ընտրված օրենսդիր մարմնով: Այդ մասին ԱրմԻնֆո-ի թղթակցի հետ զրույցում հայտարարել է Հայաստանի խորհդրարանի փոխխոսնակ Էդուարդ Շարմազանովը Ժնևից`  մեկնաբանելով Լեռնային Ղարաբաղի հետ բարեկամության պատգամավորական խմբի ստեղծումը Եվրախորհրդարանում:

ՙԲարգավաճ Հայաստան՚ խմբակցության քարտուղար Նաիրա Զոհրաբյանը հրաժարվել է մեկնաբանել ՙԺառանգությունից՚ պատգամավոր Զարուհի Փոստանջյանի հայտարարությունները Հայաստանի հանրապետական կուսակցության հետ ԲՀԿ կապերի վերաբերյալ:

Արցախի հետ սահմանին մաքսակետի վերաբերյալ լուրեր են տարածվում Հայաստանում հերթական հակառուսական հիստերիայի համար. ոչ մի մաքսակետ չի լինի, լրագրողների հետ զրույցում այդպիսի կարծիք է հայտնել ՙՂարաբաղ՚ կոմիտեի անդամ, Հայաստանի առաջին նախագահի անվտանգության գծով խորհրդական Աշոտ Մանուչարյանը:

 Ադրբեջանը կցանկանար, որպեսզի Լեռնային Ղարաբաղի հակամարտության կարգավորման շուրջ յուրաքանչյուր հանդիպում լիներ արդյունավետ, որպեսզի այդ գործընթացը տեղից շարժվի: Ինչպես հաղորդում է Haqqin.az-ը, հոկտեմբերի 15-ին ճեպազրույցում այդ մասին ասել է Ադրբեջանի արտգործնախարար Էլմար Մամեդյարովը` մեկնաբանելով Ադրբեջանի և Հայաստանի նախագահների առաջիկա հանդիպումը Փարիզում:

 Եթե ոչ իշխանական քառյակը ցանկանում է հաջողության հասնել, ապա նրա անդամները պետք է վերջնականապես բոլոր կապերը խզեն կառավարող ՀՀԿ հետ: Այդ մասին հոկտեմբերի 15-ին մամուլի ասուլիսում հայտարարել է «Ժառանգության» պատգամավոր Զարուհի Փոստանջյանը:

Ռուսաստանինկատմամբ խստացող պատժամիջոցներն արդեն հանգեցրել են Ռուսաստանից ԵԱՏՄ-ին անդամակցող Հայաստան տրանսֆերտների ծավալի զգալի անկման: Իշխանություներն, ըստ երևույթին, այնքան էլ մտահոգված չեն այդ միտումով: Արդյո՞ք դա մտահոգում է Ձեզ` որպես ոլորտի փորձագետի: