12 տարում Սևանի ձկան պաշարները կրճատվել են ավելի քան 200 անգամ

• Երկուշաբթի, 20 օգոստոսի, 16:22

 Ինչպես այսօր Երևանում կյացած մամուլի ասուլիսում հայտարարել է ՀՀ ԳԱԱ Հիդրոէկոլոգիայի և իխտիոլոգիայի ինստիտուտի տնօրեն Բարթուղ Գաբրիելյանը, ներկայումս Սևանի ձկան պաշարները գնահատվում են 8.5 տոննա, այն ժամանակ, երբ 80-ականերին դրանք կազմում էին 10-11 հազ.տոննա, 90-ակաների սկզբին` 28-30 հազ.տոննա, իսկ 2000 թվականին 2 հազ.տոննա: Նրա խոսքերով, պաշարների կրճատման պատճռան է հանդիսանում` ձկնաորսը և ձկնագողությունը: Արդյունքում, լճի, ինչպես նաև համապատասխան շուկաներում վերահսկողոթյան բացակայությունը բերել է թանկարժեք ձկնատեսակների վերացմանը:

Բացի այդ, չեզոքացվում են նաև թանկարժեք ձկնատեսակների` իշխանի, գեղարքունիի և ամառային բախտակի պոպուլյացիաները վերականգնելու փորձերը: Գաբրիելյանը հիշեցրել է, որ իշխանի մանրաձկները լիճ են բաց թողնվում կառավարության ծրագրի շրջանակներում, սական ծաղկող ձկնագողոթյունը հասուն ձկներին զրկում է գետերում ձվադրելու հնարավորությունից: Ինչ վերաբերվում է սիգին, ապա այստեղ իրավիճակն ավելի բարդ է, քանի որ այս ձկնատեսակի արհեստական աճեցման մեթոդներն այքան էլ կատարյալ չեն: ՙՄեր ինստիտուտը պատրաստ է աշխատել գոյություն ունեցող տեխնոլոգիաները կատարելագործելու ուղղությամբ, բայց դրա համար ֆինանսական միջոցներ են անհրաժեշտ, որոնք մեզ մոտ բացակայում են՚,-նշել է նա: