ՙԱրմենՏելի՚ աջակցությամբ Երևանում կանցկացվի Armenian Street Dance Contest 2012 փառատոնի եզրափակիչ փուլը

• Շաբաթ, 9 հունիսի, 02:33

 ՙԱրմենՏել՚ ընկերությունն (ապրանքանիշը Beeline) աջակցում է Armenian Street Dance Contest 2012 փառատոնի եզրափակիչ փուլի անցկացմանը: Միջոցառումը կանցնի հունիսի 10-ին Երևանում ՙԽուլ-համրերի մշակույթի պալատում՚:

Ինչպես ԱրմԻնֆո գործակալությանը հաղորդեցին ՙԱրմենՏելի՚ մամուլի ծառայությունից, եզրափակչում կպայքարեն 10 թիմ և ավելի քան 100 մասնակից Հայաստանից, Վրաստանից և Իրանից: Մասնակիցները հանդես կգան ինչպես թիմային պարային համարներով, այնպես էլ անհատական ծրագրով: Մրցումները կանցկացվեն պարային երեք ուղղություններով` փոփինգ(poping), բրեյք(break) և հիփ-հոփ (hip-hop): Փառատոնի հյուրերին և հանդիսատեսին կներկայացվի Street Dance պարերի պատմությունը` կենդանի կատարմամբ:

Փառատոնի շոու-ծրագիրը ներառում է Street Dance ոճի ելույթներ, ինչպես նաև պարային Street տարրեր: Առանձին ծրագրով հանդես կգա Axe Capoeira հայկական դպրոցը, կանցկացվեն Rap Battle  Beat Box Battle ոճի մրցումներ: Փառատոնի հաղթողները կստանան գավաթներ, պատվոգրեր և մրցանակներ, իսկ լավագույն երկու թիմերի մասնակցությամբ կնկարահանվի տեսահոլովակ:

ՙԱջակցությունը երիտասարդական նախաձեռնություններին ՙԱրմենՏել՚ ընկերության կորպորատիվ սոցիալական  ռազմավարության հիմնական ուղություններից է: Beeline ապրանքանիշը` պայծառ է և ժամանակակից, և մենք միշտ ուրախ ենք օգնել երիտասարդ, աշխուժ և տաղանդավոր պատանիներին ու աղջիկներին ցուցադրել իրենց հմտությունները, գիտելիքներն ու տաղանդը: Ուրախ ենք սատարել ժամանակակից պարային արվեստին և բոլոր մասնակիցներին  մաղթում ենք հաջող ելույթներ՚, – ասել է ՙԱրմենՏել՚ ՓԲԸ գլխավոր տնօրեն Իգոր Կլիմկոն:

ՙԱդրենալին՚ էքստրեմալ մարզաձևերի ասոցիացիայի նախագահ Արտաշես Ստեփանյանն իր հերթին  նշել է, որ նման միջոցառումների անցկացումը շատ կարևոր է մեր երիտասարդության համար: ՙՍա նաև լավ առիթ է տարածաշրջանային երկրների պարային դպրոցների սաների հանդիպման և փորձի փոխանակման համար: Հուսով ենք, որ այս միջոցառումը լինելով առաջինը, չի լինի վերջինը, և կձևավորվի նմանատիպ միջոցառումների անցկացման բարի ավանդույթ՚, - նշել է նա: