Լինել, թե՞ չլինել փոքր ՀԷԿ-երին Սևանում

• Շաբաթ, 21 հուլիսի, 18:10

Կառավարության կողմից ՙՍևանա լճի՚ մասին ՀՀ օրենքում լրացումներ կատարելու մասին օրինագծի հավանությունն առաջ է բերել էկոլոգների ոչ միանշանակ արձագանքը: Հիշեցնենք, որ լրացումները վերաբերում են Սևանա լճի ջրահավաք ավազանում փոքր ՀԷԿ-երի կառուցման արգելքին:

ՙԷլոԼուրի՚ ղեկավար Ինգա Զարաֆյանի կարծիքով, այդ որոշումն ուշացած է: ՙՈրոշման մեջ կա վերապահություն. արգելքը չի տարածվի մինչև օրենսդրական փոփոխությունների ընդունումը լիցենզիա ստացած ՀԷԿ-երի վրա: Սակայն, մենք գիտենք, որ նախագծերի մեծ մասն ընտրվել են հենց այդ ժամանաշրջանում՚,- հայտարարել է նա ԱրմԻնֆո-ի հետ զրույցում: Փորձագետն ուշադրությունը հրավիրել է այն հանգամանքի վրա, որ օրենսդրությունում փոփոխությունը երկարատև գործընթաց է: ՙԱյսինքն`մինչև փոխեն օենքը, մինչև այն սկսի գործել, վախենում եմ, որ այն իմիտացիոն բնույթ կրի՚,- ասել է Զարաֆյանը:

Տվյալ պահին հասարակայնության բողոքն է հարուցել Սևանա լիճ թափվող Արգիճի գետի վրա նոր ՀԷԿ-ի կառուցումը: «S.O.S Արգիճիե նախաձեռնող խումբն ահազանգում է, որ Արգիճի գետի վրա ՀԷԿ –ի կառուցման հետևանքով Մարտունու շրջանի համայնքները կանգնած են առանց ջրի մնալու վտանգի առաջ: Այս շինարարությունից հետո ի սպառ կվերանա Կարմիր գրքում գրանցված ամառային արծաթափայլ իշխանի, կողակի, բախտակի պոպուլացիաների բնական վերարտադրությունը: