Ռուս գեներալ. ՀԱՊԿ ԱԱՀՈՒ փորձում են պատրաստվածության մակարդակով ոչնչով չզիջել ՆԱՏՕ-ին

• Երկուշաբթի, 17 սեպտեմբերի, 09:56

 ՀԱՊԿ արագ արձագանքման հավաքական ուժերը ¥ԱԱՀՈՒ¤ փորձում են պատրաստվածության մակարդակով ոչնչով չզիջել ՆԱՏՕ-ին: Այս մասին այսօր ՙՄարշալ Բաղրամյան՚ զորավարժարանում կայացած ճեպազրույցում հայտարարել է ՀԱՊԿ միավորված շտբի պետ, գներալ-մայոր Անատոլի Յակովլեւը, պտասխանելով ԱրմԻնֆո գործակալոթյան հարցին:

Նրա խոսքերով, Հյուսիսատլանտյան ալյանսն ունի պատրաստման իր առանձնահատկությունները, ինչը տարբերվում է ՀԱՊԿ կողմից մշակված մեխանիզմներից: ՙՄեր կազմակերպությունում կիրառվում են պատրաստման մեր ստանդարտները, իսկ ՆԱՏՕ-ի մոտ`իրենցը: Յուրաքանչյուր պետություն ունի մարտական պատրաստության իր, արդեն գործող համակարգը: Եվ ներկայումս մենք աշխատում ենք, որպեսզի մշակվի ԱԱՀՈՒ պատրաստման միասնական համակարգ: Բնական է, որ դա չի զիջի ՆԱՏՕ-ի համակարգին՚,-նշել է Յակովլեւը:

Նա նաև ընդգծել է, որ այսօր մեկնարկած զորավարժությունները հանդիսանում են պլանային, որոնց թեման և ժամկետները սահմանվել էին դեռ 2011 թվականի դեկտեմբերին, եւ որոնք ոչ մի կապ չունեն ներկայումս տարածաշրջանում տիրող իրավիճակի հետ: Նրա խոսքերով, զորավՒրժությունների սցենարը հետևյՒլն է. Հայաստանի տարՒծքը պայմանականորեն բաժանվում է երեք պետությունների, որոնցից մեկը հանդիսանում է ՀԱՊԿ անդամ և արագ արձագանքման հավաքական ուժերի կարիքն ունի: ՙԵթե ՀԱՊԿ անդամ պետություններից որեւէ մեկի տարածքում սկսվում են մարտական գործողություններ, ապա ելնելով իրավիճակից, քննարկումներից հետո, որոշում է ընդունվում օգնությանը մասնակցող ուժերի թվաքանակի և դրանք ուղարկելու ժամկետների մասին՚,-հայտարարել է Յակովլեւը:

Նշենք, որ ՙՄարշալ Բաղրամյան՚ զորավարժարանում այսօր մեկնարկած զորավարժությունները կտևեն մինչև սեպտեմբերի 19-ը: ՀԱՊԿ հավաքական ուժերի հրամանատարը գեներալ-մայոր Կամո Քոչունցն է: Զորավարժություններին կմասնակցի մոտ երկու հազ. մարդ` Հայաստանից եւ ՀԱՊԿ անդամ մյուս երկրներից: