Սպորտի փոխնախարար. Լոնդոնի Օլիմպիական խաղերում Հայաստանի հավաքականը ցուցադրեց լավ արդյունք

• Հինգշաբթի, 16 օգոստոսի, 17:52

 Լոնդոնի Օլիմպիական խաղերում Հայաստանի հավաքականն ընդհանուր առմամբ ցուցադրեց լավ արդյունք, ինչի վկայությունն է հանդիսանում նվաճված արծաթե մեդալը: Այս մասին օգոստոսի 16-ին կայացած մամուլի ասուլիսում հայտարարել է ՀՀ Սպորտի և երիտասարդության հարցերի փոխնախարար, Հայաստանի Ծանրամարտի ֆեդերացիայի նախագահ Սամվել Խաչատրյանը:

ՙԾանրամարտը Հայաստանում գտնվում է բարվոք վիճակում: Անցյալ 6 տարիներին մեր ծանրամարտիկները Հայաստանին բերել են տարբեր հարգի 346 մեդալ: Այս տարի եղել են անհաջողություններ, քանի որ մեր առաջատար մարզիկներն ունեցել են լուրջ վնասվածքներ: Բայց այնուամենայնիվ, մեզ հաջողվեց նվաճել մեդալներ, և մեր հավաքականի հանդեպ քննադատությունն ինչ համար անհասկանալի է: Այլ բան է, եթե մեդալներ չլինեին, ընդհանրապես: Դուք տեսնում եք մեդալի միայն մի կողմը, և չեք գնահատում այն ջանքերը, որոնք արվում են ատլետներին վերականգնելու ուղղությամբ՚,-հայտարարել է Խաչատրյանը:

Ընդ որում, նա ընդգծել է, որ Հայաստանի Օլիմպիական կոմիտեի նախագահ Գագիկ Ծառուկյանը միջոցներ չի խնայում ոչ մարզիկներին վճարելու, ոչ էլ նրանց բուժման համար, հրավիրելով արտասահմանյան մասնագետների, քանի որ Հայաստանում չկան համապատասխան բժիշկներ:

ՙԱյժմ ամեն ինչ բարդացել է, նախկինում մարզիկներին սրսկում էին ցավազրկող միջոցներ, և նրանք հարթակ էին դուրս գալիս, իսկ այժմ չի թույլատրվում որևէ բան ներարկել, բացառությամբ սպազմալգոնների: Բացի այդ, իր ազդեցությունը թողեց նաև հոգեբանական գործոնը, մարզիկների հարթակից վերադառնում էին ու ասում, որ ծանրաձողն ՙասես տոննա կշռի՚, չնայած, որ նախկինում հեշտությամբ էին բարձրացնում այդ քաշը: Այո, մեդալներ մենք ակնկալում էինք բոլորից` Առաքել Միրզոյանից, Մելինե Դալուզյանից, Տիգրան Մարտիրոսյանից և Հռիփսիմե Խուրշոըւդյանից: Այսօրվա մեղադրանքները տեղին չեն, այդ նույն Խուրշուդյանը պատվով ներկայացրեց հայկական ծանրամարտը, դա նույնպես իմ աշխատանքն է, իսկ չգիտես թե ինչու, նկատվում են միայն ձախողումները՚,-ընդգծել է փոխնախարարը:

Ըստ Խաչատրյանի, 2016 թվականին Բրազիլիայում կայանալիք Օլիմպիադայում Հայաստանի հավաքականն իրեն ցույց կտա լիովին, քանի որ կան բազմաթիվ երիտասարդ ատլետներ, որոնք այսօր արդեն պատրաստ են իրենց լավագույն կողմերով հանդես գալ 31-րդ Օլիմպիական խաղերում:

Նշենք, որ Լոնդոնի Օլիմպիական խաղերի ոչ պաշտոնական արդյունքներով, Հայաստանն զբաղեցրել է 60-րդ տեղը ¥մեկ արծաթ և երկու բրոնզ¤: