Արդար ընտրությունների միությունը հաշվետվություն է ներկայացրել Վրաստանում առկա նախընտրական իրավիճակի մասին

• Շաբաթ, 14 հուլիսի, 17:57

Երևան:14.07.12: ԱրմԻնֆո: Արդար ընտրությունների և ժողովրդավարության միջազգային միությունը նախօրեին հաշվետվություն է ներկայացրել Վրաստանում առկա նախընտրական իրավիճակի մասին: Ինչպես հաղորդում է ՙԲլաք սի պրեսը՚, կազմակերպությունը դիտարկում է Վրաստանի 73 ընտրատարածքներ և արձանագրում խախտումները նախընտրական քարոզարշավի ընթացքում: Կազմակերպության ներկայացրած հաշվետվության մեջ, մասնավորապես, նշվում է, որ հունիսի 4-ից մինչև հուլիսի 2-ն ընկած ժամանակահատվածում արձանագրվել է հնարավոր քաղաքական հատկանիշով յոթ պաշտոնանկություն, քաղաքացիների և բիզնեսի նկատմամբ սպառնալիքի և ճնշման 17 փաստ, քաղաքական հատկանիշով ֆիզիկական հաշվեհարդարի չորս փաստ, վարչական պատասխանատվության անարդար կիրառման յոթ փաստ և կաշառատվության հինգ դեպք: Միջազգային կազմակերպության հաշվետվության մեջ նաև նշվում է, որ ընտրողների հետ առավել հաճախ հանդիպում են քաղաքական կոալիցիայի ներկայացուցիչները:

Խորհրդարանական ընտրությունները Վրաստանում կընթանան առաջիկա հոկտեմբերին: Տվյալ պահի դրությամբ իրենց ընտրարշավի մենարկի մասին  արդեն հայտարարել են ՙՎրացական երազանք՚ քաղաքական կոալիցիան, ՙՔրիստոնեադեմոկրատական շարժումը՚, ՙՆոր աջեր՚ կուսակցությունը և Ազգային դեմոկրատական կուսակցությունը: