Թալինի ընտրությունները Հայաստանում տեղի ունեցած հերթական կեղծված ընտրություններն էին, ԱրմԻնֆո-ի թղթակցին հայտարարել է ՙԲարգավաճ Հայաստան՚ կուսակցության խմբակցության պատգամավոր Նաիրիա Զոհրաբյանը:

Նշենք, որ Թալին քաղաքում օգոստոսի 5-ին կայացած քաղաքապետի ընտրություններում, ըստ նախնական տվյալների, Թալինի քաղաքապետ է ընտրվել ՀՀԿ-ական Սարգիս Արամյանը` հաղթանակ տանելով ՙԲարգավաճ Հայաստանի՚ ներկայացուցիչ Վազգեն Խաչատրյանի նկատմամբ:

Զոհրաբյանի կարծիքով, սակայն, ընտրությունների ընթացքում իշխանական կուսակցությունը լայնորեն կիրառել է վարչական ռեսուրսը, և անազնիվ կլիներ արդար և թափանցիկ անվանել ընտրությունները: ՙԲՀԿ նախընտրական շտաբ խախտումների վերաբերյալ բազմաթիվ բողոքներ և դիմումներ են ստացվել: Հաճախ քվեարկության համար ընտրատեղամաս այցելած քաղաքացուն ուղեկցել են անհայտ անձինք: Երբ ես այդ առնչությամբ բացատրություններ պահանջեցի հանձնաժողովի անդամներից, ինձ ասացին, որ Թալինում 60 և ավելի բարձր տարիքի քաղաքացիների մեծ մասն անգրագետ է: Իբր այդ նպատակով էլ նրանց ուղեկցել են մարդիկ՚,- հայտարարել է Զոհրաբյանը:

Բացի այդ, պատգամավորի խոսքով, բնակիչներին բաժանել են կարմիր և դեղին գրիչներ, որպեսզի հետո հնարավորություն ունենան հետևելու, թե արդյոք նրանք քվեարկել են ՙանհրաժեշտ՚ թեկնածուի օգտին: ՙԱյս և այլ հանգամանքները հաշվի առնելով`պարզ է դառնում, որ Թալինի բնակիչը չի կարողացել իր օրինական ընտրությունը կատարել՚,- ամփոփել է նա:

Մեկնաբանություններ

Նայել մեկնբանությունները (0)

ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ
ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

Դարձիր առաջին մեկնաբանը

Ֆինպորտի նորություններ

Ամերիաբանկը Եվրաբանկի կողմից ճանաչվել է ամենաակտիվ էմիտենտ-բանկը

Առաջին անգամ հայկական բանկին շնորհվեց հաստատող բանկի կարգավիճակ ՎԶԵԲ-ի կողմից

Անցած շաբաթ Հայաստանի բանկերի կողմից դրամով տրամադրված վարկերի ծավալն աճել է 31.3 տոկոսով, իսկ ԱՄՆ դոլարով տրամադրված վարկերի ծավալըª 40.1 տոկոսով

Հին Հայաստանի մայրաքաղաք Արտաշատում բացվել է Հայաստանի դրամաշրջանառության պատմության ցուցահանդես

Հայաստանի Կենտրոնական Դեպոզիտարիան ներդնում է Հայաստանի դեպոզիտար համակարգի գործունեության նոր մոդել