ԵԽԽՎ. Կոռուպցիայի խնդիրը Հայաստանում թաքնված է հոգեկերտվածքում

• Շաբաթ, 30 հունիսի, 00:38

 Հայաստանում տեղ է գտել դրական զարգացում, մասնավորապես, 2008 թվականի մարտյան իրադարձությունների գործով կալանավորների ազատ արձակման հարցի առնչությամբ: Այդ մասին է ասվում ԵԽԽՎ  թիվ 12954  ՙՎեհաժողովի կողմից մոնիտորինգի գործընթացի անցկացում՚ ¥2001 թ. հունիս – 2012 թ.մայիս¤ բանաձևի նախագծում, որի շուրջ քննարկումը Վեհաժողովում կընթանա այսօր:

Էստոնացի պատգամավոր Անդրես Խերկելի նախապատրաստած փաստաթղթում նշվում է, որ նոր խթան է հաղորդվել մարտյան իրադարձությունների ժամանակ 10 մարդու զոհվելու հետաքննության գործին, ինչպես նաև սկիզբ է դրվել քաղաքական երկխոսությանն ընդդիմության և կառավարող կոալիցիայի միջև:

Փաստաթղթում նշվում է, որ էապես բարելավվել է խորհրդարանական ընտրությունների նախապատրաստումը, երկրում առկա քաղաքական իրադրությունը, ընդդիմությունը դարձել է լավ կազմակերպված, մրցունակ քաղաքական ուժ: Նաև, հաշվի առնելով քաղաքական հայացքների տարբերությունները կառավարող կոալիցիայում, ընտրություններն ընթացել են իրոք մրցունակ իրադրությունում:

Ինչ վերաբերում է դատական համակարգի բարեփոխումներին, փաստաթղթում նշվում է, որ վերջին այցի ժամանակ համազեկուցողները գոհունակությամբ նշել են մի շարք միջոցառումներ, որ իշխանությունները ձեռնարկել էին Վեհաժողովի հանձնարարականներին համապատասխան: ՙՄասնավորապես, ոստիկանությունում բողոքների ընդունման մեխանիզմի ստեղծման մասին իշխանությունների հայտարարությունն անհրաժեշտ է ողջունել, սակայն այդ միջոցառումներն ինքնին բավարար չեն լինի դատարանների անկախությունն ապահովելու կամ կոռուպցիա երևույթի վերացման համար: Դրա համար անհրաժեշտ է փոխել հոգեկերտվածքը՚, - ընդգծվում է փաստաթղթում: Բանաձևի նախագծում հույս է հայտնվում, որ նոր երիտասարդ սերունդը և առավել կրթված դատավորները բեկումնային կետ կդառնան հոգեկերտվածքի փոփոխման գործում: