«Ազատ դեմոկրատներե կուսակցությունից հեռացել են վերջինիս որոշ հիմնադիր անդամներ

• Ուրբաթ, 10 օգոստոսի, 13:04

 «Ազատ դեմոկրատներե կուսակցության ութ անդամներ` այդ թվում վարչության հիմնադիր անդամներ, կուսակցությունից պաշտոնապես դուրս գալու մասին հայտարարություն են փոխանցել կուսակցության վարչությանը: Այդ մասին տեղեկատվությունն ԱրմԻնֆո-ին հաստատել են կուսակցության մամլո ծառայությունում:

Կուսակցության վարչության հիմնադիր անդամ Գառնիկ Գեւորգյան ասել է, որ բացի իրենից կուսակցությունից հեռացածների թվում են` Արարատ Զուրաբյանը, Կարեն Սավզյանը, Հրաչ Հակոբյանը, Արմեն Բաղդասարյանը, Վալենտինա Միրզոյանը, Կարեն Կարապետյանը եւ Դավիթ Առաքելյանը:

«Ազատ դեմոկրատներե կուսակցության անդամ Ալեքսանդր Արզումանյանը «Ազատությունե ռադիոկայանի հետ զրույցում ասել է, որ իսկապես իրենք ծրար են ստացել եւ կարծիք հայտնեց, որ դա կարող է լինել հենց կուսակցությունից հեռացածների հայտարարությունը: Ինչ վերաբերում է իր կուսակիցների հեռանալու հնարավոր պատճառներին, ապա Արզումանյանի խոսքով, իրենք ազատական կուսակցություն են, եւ յուրաքանչյուրն ազատ է իր քայլերում: Նա նկատել է, որ վերջին շրջանում կուսակցությունից հեռացած ութ անձինք գրեթե չէին լինում կուսակցության գրասենյակում, ինչը, ըստ Ալեքսանդր Արզումանյանի, կարելի էր պատգամ համարել, որ նրանք պատրաստվում են լքել կուսակցությունը:

Հիշեցնենք, որ «Ազատ դեմոկրատներե կուսակցությունը հիմնադրվել է անցած տարվա ամռանը:
Խորհրդարանական ընտրություններին նրանք մասնակցել են ՙԺառանգություն՚ կուսակցության հետ միասնական ցուցակով և վերջինիս հետ միասին 5 պատգամավորական մանդատ ստացել: