Թուրքիայում երկրաշարժ է տեղի ունեցել:

• Երկուշաբթի, 20 օգոստոսի, 13:56

Օգոստոսի 20-ին` տեղական ժամանակով 03.08-ին, գրանցվել է 4.2 մագնիտուդով երկրաշարժ: Ինչպես ԱրմԻնֆո գործակալությանը տեղեկացվել է ՀՀ ԱԻՆ մամուլի ծառայությունից, երկրաշարժի էպիկենտրոնը գտնվում է Դիյադին քաղաքից 15 կմ դեպի հյուսիս:

Էպիկենտրոնի աշխարհագրական կոորդինատները կազմում են` հյուսիսային լայնության 39.69 և արևելյան երկայնության 43.66 աստիճան: Երկրաշարժի հիպոկենտրոնը գտնվում է 5 կմ խորության վրա: Երկրաշարժի ուժգնությունն էպիկենտրոնային գոտում կազմել է 5-6 բալ: Ցնցումներն զգացել են նաև Հայաստանում, մասնավորապես Երևանում` Նոր Նորքում: Զոհերի և ավերածություններ վերաբերյալ տեղեկութուններ չկան: