Միխայիլ Բաղդասարով. ՙԱՐՄԱՎԻԱ՚-ն Sukhoi Superjet-100-ից հրաժարվում է`Պետստանդարտին դրանց անհամապատասխանության պատճառով

• Երկուշաբթի, 6 օգոստոսի, 14:56

 ՙԱրմավիա՚ ավիաընկերությունը Sukhoi Superjet-100-ից հրաժարվում է Պետստանդարտին դրանց անհամապատասխանության պատճառով: Այդ մասին ԱրմԻնֆո-ի թղթակցի հետ զրույցում հաղորդել է ՙԱրմավիա՚ ընկերության սեփականատեր Միխայիլ Բաղդասարովը`մեկնաբանելով ՙРБК daily՚-ի այն տեղեկատվությունը, թե ավիաընկերությունը մտադիր է հրաժարվել նաև ձեռքբերված առաջին Sukhoi Superjet-100 ինքնաթիռից:

Ըստ որում, Բաղդասարովը հերքել է այն տեղեկատվությունը, թե ՙԱրմավիան՚ հրաժարվում է առաջին Sukhoi Superjet-100-ից` ՙՍուխոյի քաղաքացիական ինքնաթիռներ՚ /ГСС/ արտադրող ընկերության հանդեպ ինքնաթիռի սպասարկման գծով պարտքերի պատճառով: ՙԱյո, մենք մտադիր ենք հրաժարվել նաև առաջին Sukhoi Superjet-100-ից, բայց ոչ թե ГСС հանդեպ սպասարկման գծով պարտքերի, այլ Պետստանդարտին ինքնաթիռների անհամապատասխանության պատճառով՚,- բացատրել է Բաղդասարովը:

Նշենք, որ Гражданские самолеты Сухого (ГСС) ընկերության ներկայացուցիչ Անդրեյ Մուրավյովն ասել է, որ առայժմ պայմանագրային պարտավորություններից ավիափոխադրողի հրաժարվելու վերաբերյալ որևէ պաշտոնական փաստաթուղթ չի ստացվել: ՙArmavia-ի հետ հարաբերություններում ծագող բոլոր հարցերը մենք փորձում ենք կարգավորել աշխատանքային կարգով՚,- ասել է նա ՙРБК daily՚-ին: Միաժամանակ Մուրավյովը նշել է, որ փոխադրողի հետ կոմերցիոն հարաբերությունները գաղտնի բնույթ են կրում:
ՙRBC Daily՚-ի աղբյուրներից մեկի համաձայն, «Արմավիաե-ն պարտքեր է կուտակել ГСС-ի առաջ՝ առաջին օդանավի սպասարկման համար, սակայն հրաժարվում է վճարել: Այդ օդանավը, աղբյուրի տվյալներով, վարկի դիմաց գրավադրված է հայկական բանկերից մեկում: ГСС-ն արդեն առաջարկել է փոխադրողին վերաձևակերպել գործարքը, և արդեն երկու SSJ օդանավերի մատակարարումը ձևակերպել ՙՎԷԲ-լիզինգ՚ ընկերության միջով:  Ինչպես գրում է ՙRBC Daily՚-ն, ավիաընկերությունը հուլիսի սկզբին նախազգուշացրել է ГСС-ին, որ ոչ մի պարագայում չի շահագործելու այդ ինքնաթիռը: «Արմավիան փոքր ընկերություն է և չի կարող փորձարկումներ անելե, - RBC-ին պարզաբանել է հայկական ավիաընկերոությանը մոտ կանգնած աղբյուրը: Վերջինիս խոսքով, ГСС-ն առաջին ինքնաթիռի համար վճարված գումարը վերադարձրել է «Արմավիաե-ին՝ հանելով 1 մլն դոլար. այդքան է գնահատվել այդ օդանավի վերանորոգումը: