Ադրբեջանում ձերբակալվել է ՙԹոլիշի Սադո՚ թերթի խմբագիրը

• Շաբաթ, 23 հունիսի, 00:46

Երևան: 22.06.12: ԱրմԻնֆո: Ադրբեջանում ձերբակալվել է թալիշերեն ՙԹոլիշի սադո՚ թերթի և կայքի խմբագիր Գիլալ Մամեդովը: Ինչպես հաղորդում է ՙԹուրան՚ գործակալությունը, վկայակոչելով Խաղաղության և ժողովրդավարության ինստիտուտի հայտարարությունը, հունիսի 21-ի կեսօից հետո Գիլալ Մամեդովն անհետացել է: Միայն ժամը 17:30-ին Բաքվի ոստիկանութունում հաստատել են Մամեդովի ձերբակալությունը ապօրինի թմրանյութ պահելու մեղադրանքով: Խաղաղության և ժողովրդավարության ինստիտուտը դա գնահատում է որպես ճնշում քաղաքացիական ակտիվիստի նկատմամբ և իշխանություններից պահանջում է անհապաղ ազատ արձակել թալիշական թերթի խմբագրին: Հայտարարության մեջ նաև հիշեցվում է, որ 2008 թվականի փետրվարին ձերբակալվել էր ՙԹոլիշի սադո՚ թերթի նախորդ խմբագիր, լեզվաբան, պրոֆեսոր Նովրուզալի Մամեդովը, ով Իրանի օգտին լրտեսության կեղծ մեղադրանքով դատապարտվեց 10 տարի ազատազրկման և խոշտանգումների արդյունքում վախճանվեց բանտի հիվանդանոցում: