Հոգեբան. Հայաստանից արտահոսքի հիմքում հոգեբանական խորը պատճառներ կան

• Ուրբաթ, 22 հունիսի, 00:26

 Հայաստանից արտահոսքերի հիմքում ընկած են հոգեբանական խորը պատճառները, որոնք գրեթե չեն էլ գիտակցվում երկիրը լքողների կողմից: Այս մասին այսօր Երևանում կայացած մամուլի ասուլիսում հայտարարել է հոգեբանական գիտությունների դոկտոր Սամվել Խուդոյանը:

ՙԴեռ միջնադարում մեր պապերն էլ են եկել այս համոզման, որ եթե վատ է, ուրեմն կարելի է հեռանալ: Կարելի է վստահորեն ասել, որ հարևան երկրներում ¥Վրաստան, Ադրբեջան¤ իրավիճակն ավելի լավ չէ, բայց երկիրը լքողների թիվը, այնուամենայնիվ, ավելի քիչ է՚հայտարարել է հոգեբանը: Միաժամանակ նա ընդգծել է, որ ըստ հետազոտությունների, այն երեխաները, որոնց համար մանկուց հեքիաթներ չեն կարդացել հայրենասիրության մասին, ցանկություն չեն ունենում վերադառնալ հայրենիք, իսկ հայրենասիրական ոգով դաստիարակված երեխաները վերադառնում են: Ըստ Խուդոյանի, հատկապես հոգեբանական բարդույթներն են, որ մարդուն թույլ չեն տալիս աշխատանք գտնել սեփական երկրում:

ՙՍեփական երկրում շատերն անպատրաստ են կատարելու հավաքարարի կան փողոց մաքրողի գործ, քանի որ ամաչում են իրենց բարեկամներից և մտերիմներից, բայց այդ նույն աշխատանքը նրանք կատարում են այլ երկրներում՚,-հայտարարել է նա: Այդ պատճառով էլ նա առաջարկել է Սփյուռքում ագիտացիոն աշխատանքներ կատարել, հայրենիք վերադառնալու ուղղությամբ: Ավելին, նա ընդգծել է, որ արտահոսքն արդեն սպառնում է ազգային անվտանգությանը, քանի որ առաջին հերթին դատարկվում են սահմանամերձ շրջանները և հարկավոր է զբաղվել հատկապես այդ շրջանների վերականգնումով:

Նշենք, որ ըստ մոտավոր հաշվարկների, 2012 թվականի 5 ամիսներին Հայաստանը լքել է 69 հազար մարդ: