Ադրբեջանում ԱՄՆ նոր դեսպանը խոստացել է պաշտոնական Բաքվին կոչ անել` պատրաստել իր ժողովրդին ոչ թե պատերազմի, այլ խաղաղության

• Ուրբաթ, 22 հունիսի, 00:33

 ՙԻմ թեկնածության հաստատման դեպքում աշխատելու եմ ԵԱՀԿ Մինսկի խմբի ամերիկացի համանախագահ Ռոբերտ Բրադկեի, ինչպես նաեւ Ադրբեջանի կառավարության բարձրաստիճան պաշտոնյաների հետ՝ կոչ անելով նրանց հարգել հրադադարի ռեժիմը՚,- հայտարարել է Ռիչարդ Մորնինգսթարը Բաքվում ԱՄՆ դեսպանի պաշտոնում իր թեկնածության հաստատման շուրջ լսումների ժամանակ:

Ինչպես հաղորդում է Հայ դատի գրասենյակը, Ալիեւի հայտարարության առնչությամբ, թե Ադրբեջանի հիմնական թշնամիները աշխարհում ապրող հայերն են`Ռիչարդ Մորնինգսթարը ասել է.«Ես կբացատրեմ, որ անպատասխանատու հայտարարությունները անընդունելի են եւ սասանում են հակամարտության խաղաղ կարգավորմանը հասնելու մեր ջանքերը։ Ես կհորդորեմ Ադրբեջանի կառավարությանը զուսպ լինել իր հռետորաբանության մեջ եւ պատրաստել իր ժողովրդին ոչ թե պատերազմի, այլ՝ խաղաղությանե։

Ղարաբաղյան խնդրի կարգավորումից բացի, հարցեր են հնչել նաեւ Հին Ջուղայի ավերված գերեզմանոցի վերաբերյալ. Մորնինգսթարը կրկին խոստացել է դեսպանի պաշտոնում հաստատվելու դեպքում այցելել հին հայկական գերեզմանատուն, ինչպես նաեւ Ադրբեջանի կառավարությանը փոխանցել ամերիկյան կողմի մտահոգությունները եւ ընդգծել, որ անհրաժեշտ է պահպանել հայկական մշակութային եւ հոգեւոր ժառանգությունը։

Աղբյուրը նշում է, որ ԱՄՆ Սենատի արտաքին կապերի հանձնաժողովը հավանության է արժանացրել Ադրբեջանում ԱՄՆ դեսպանի պաշտոնում Ռիչարդ Մորնինգսթարի թեկնածությունը: