ԱՍԱԼԱ-ն սպառնում է Թուրքիային

• Երկուշաբթի, 20 օգոստոսի, 13:55

Հայաստանի Ազատագրության Հայ Գաղտնի Բանակի (ԱՍԱԼԱ) հայտարարություն է տարածել, որտեղ թուրքական իշխանություններին նախազգուշացրել է Սիրիահայության և տարածաշրջանի ժողովուրդների նկատմամբ Թուքիայի ոտնձգությունների կապակցությամբ:

ՙՍիրիայի հայ համայնքի անվտանգությունն ու անդորրը սպառնացող թուրքական որևէ ռազմական արկածախնդրություն, ուղղակի կամ անուղղակի որևէ ոտնձգութիւն, հանդիպելու է մեր համարժեք հակազդեցությանը՚, հայտարարել է ԱՍԱԼԱ-ն:

Անգլերենով հրապակված հայտարարությունում, որ արձագանքվել է հայ և օտար մամուլի կողմից, ԱՍԱԼԱ-ն նշում է, որ ՙԹուրքիայի դավադիր և թշնամական քաղաքականությունը դրացի երկրների դեմ հասել է իր գագաթնակետին, ինչը բացահայտորեն` տարածաշրջանում ամբողջական մեկուսացման է առաջնորդում նրան:
Իրաքի գերիշխանության դեմ ծավալվող ոտնձգությունները, Սիրիայի արյունալի տագնապում ուղղակի ռազմական միջամտությունը, Հայաստանի դեմ կիրառված քսանամյա շրջափակման շարունակությունը, Իրանի դեմ դավադիր և երկդիմի քաղաքականությունը, Կիպրոսի և Հունաստանի տարածքային ամբողջականության դեմ չդադարող, հերթական գրգռիչ ոտնձգությունները և քյուրտ ժողովրդի դեմ օրեօր աճող բարբարոսային հալածանքը, տարածաշրջանում Թուրքիային վերածել են դավադրությունների և անկայունության հրահրման կեդրոնի՚, շեշտում է ԱՍԱԼԱ-ն և ապա հավելում. ՙԹուրք մտավորականությանն ու առաջադեմ հանրությանը զգուշացնում ենք, որ սեփական պատմության սև էջերի հետ հաշտվելու և այլ  ժողովուրդների իրավունքները հարգելու փոխարեն, թուրքական իշխանությունների կողմից հարևան երկրների նկատմամբ ցեղասպանական և թշնամական քաղաքականության շարունակությունը և Օսմանյան արյունախում կայսրության վերակենդանացման երազանքներ փայփայելը, միմիայն ավելացնելու են դրացի ժողովուրդների մոտ թուրք հասարակության դեմ կուտակված դարերի արդար ատելությունն ու թշնամանքը՚:

ՙՄեր համերաշխությունն ենք հայտնում տարածաշրջանի բոլոր ժողովուրդների հետ և հայտարարում, որ արաբ ժողովուդը ինքը՛ պիտի որոշի իր ճակատագիրը, կերտի՛ իր ապագան և պետք չունի թուրք իշխանությունների կոկորդիլոսյան արցունքներին և երկդիմի հոգատարությանը՚: - ընդգծված է Հայաստանի Ազատագրության Հայ Գաղտնի Բանակի (ԱՍԱԼԱ), հաղորդագրությունում:

Նշենք, որ Հայաստանի Ազատագրության Հայ Գաղտնի Բանակի (ԱՍԱԼԱ) ստեղծվել է 1975 թվականին Լիբանանում, ի պատասխան 1915 թվականին Հայոց ցեղասպանության կազմակերպիչների անպատժելիության, Թուրքիայի կողմից Հայոց ցեղասպանության փաստի ժխտման և Արևմտյան Հայաստանի օկուպացման կապակցությամբ պատմական արդարության վերականգնման: Կազմակերպության հիմնական նպատակն է վերականգնել պատմական Հայաստանի տարածքը, որը ներառում է Արևելյան Թուրքիան, Հյուսիսային Իրանը, Արցախը, Ջավախքը, Սովետական Հայաստանումը (այժմ `ինքնիշխան): Զինված գործողությունները հիմնավորված էին ստիպել Թուրքիային ճանաչել Հայոց ցեղասպանությունՆ Առաջին համաշխարհային պատերազմի տարիներին: ԱՍԱԼԱ-ի գործունեության սկիզբն է համարվում 1975 թվականի հունվարի 20-ի հարձակումը ՙԵկեղեցիների Համաշխարհային կոնգրեսի՚-ի վրա: Սկզբում կազմակերպությունը հարձակումներ էր կազմակերպում թուրքական դիվանագետների վրա, որպեսզի հասնի ՙՀայկական հարցի՚ լուծմանը, այսինքն, Թուրքիայի կողմից Հայոց ցեղասպանության պատմական ճանաչմանը: Հետագայում մի շարք գործողություններ տեղի ունեցան արևմտյան երկրների ներկայացուցիչների դեմ, որոնք աջակցում էին Թուրքիային կամ էլ ԱՍԱԼԱ-ի զինյալներին պահում կալանքի տակ: