Հայաստանում ԱՄՆ դեսպանը գոհ է քաղաքացիական հասարակության զարգացման տեմպերից

• Երեքշաբթի, 7 օգոստոսի, 16:13

Հայաստանի քաղաքացիական հասարակությունը զարգանում է և ուժ հավաքում: Այդ մասին իր տեսաբլոգում հայտարարել ՀՀ-ում ԱՄՆ դեսպան Ջոն Հեֆերնը:

ՙՔաղաքացիական ակտիվությունը ժողովրդավարության զարգացման կարևոր տարր է: ԱՄՆ միջազգային զարգացման գործակալության գնահատմամբ, Հայաստանի քաղաքացիական հասարակությունն իր զարգացվածությամբ երկրորդն է հետխորհրդային բոլոր հանրապետությունների շրջանում՚,- ասել է դեսպանը:

Որպես Հայաստանում քաղաքացիական ակտիվության օրինակ`նա նշել է ՙԹռչկան՚ էկոլոգիական շարժումը, Վահե Ավետյանի մահվան հետ կապված դժգոհության հասարակական ալիքը կամ ի պաշտպանություն Մաշտոցի այգու շարժումը:

Միաժամանակ դեսպանը նշել է, որ Հայաստանում դեռ շատ բան կա անելու քաղաքացիական հասարակության զարգացման ուղղությամբ: