ՙՌոսնեֆտը՚ մտադիր է նավթամթերք մատակարարել Հայաստան

• Ուրբաթ, 17 օգոստոսի, 17:54

Ռոսնեֆտը՚, որ մտադիր է դուրս գալ Հայաստանի նավթամթերքի շուկա, Հայաստանում նոր ավտոբենզալցակայաններ բացելու անհրաժեշտություն չունի: Ամենայն հավանականությամբ, այդ ընկերությունը կցանկանա համատեղ ձեռնարկություն  ստեղծել  նավթամթերքի առևտրով զբաղվող հայկական խոշոր ընկերություններից մեկի հետ: ԱրմԻնֆո գործակալությանն այդ մասին հաղորդել է Հայաստան նավթամթերք ներմուծող խոշոր ընկերության ղեկավարը, որը չի ցանկացել հրապարակել իր անունը:

Աղբյուրի տվյալներով, ՙՌոսնեֆտին՚ հայկական գործընկերը կարող է հարկավոր լինել ավտոբենզալցակայանների արդեն գոյություն ունեցող ցանցի համատեղ օգտագործման համար: Ռուսական ընկերությունը կարող է ձեռնամուխ լինել դրանց արդիականացմանն ու ընդլայնմանը և կառաջրակի իր բրենդը  և վառելիքի մատակարարման նոր մեխանիզմներ: Հայկական գործընկերն անհրաժեշտ է նաև Վրաստանի տարածքով Հայաստան վառելիքի անարգել մատակարարումների համար, քանի որ Վրաստանի հետ Ռուսաստանի քաղաքական հարաբերությունները  լարված են:

Հիշեցնենք, որ ռուսական ԶԼՄ-ների տվյալներով, ՙՌոսնեֆտին՚ համապատասխան առաջարկություն են արել երկրի իշխանությունները: ՙՌոսնեֆտը՚ կարող է դառնալ Հայաստան նավթամթերքի հիմնական մատակարարը և տեղական ընկերություններից մեկի հետ ստեղծել համատեղ ձեռնարկություն, որը կկառուցի 40-50 ավտոբենզալցակայանների ցանց, ինչպես նաև վառելիքի լիցքավորման տերմինալ Երևանի օդանավակայանում: Բանակցությունները նախատեսվում է սկսել օգոստոսի վերջին:

Հայաստանի նավթամթերքի շուկան գնահատվում է տարեկան 340-360 հազար տոննա, ողջ ծավալը ներմուծվում է: Հայաստանը բենզին է ներկրում, հիմնականում, Ռումինիայից, իսկ դիզելային վառելիքը` Ռուսաստանից: