Հայաստանի 90 հազ.դոլարի մարդասիրական օգնությունն ուղևորվում է Իրան

• Ուրբաթ, 17 օգոստոսի, 18:37

ՀՀ կառավարությունը որոշում է ընդունել մարդասիրական օգնություն ցուցաբերել 2012 թ. օգոստոսի 11-ին Իրանի Իսլամական Հանրապետությունում տեղի ունեցած երկրաշարժից տուժած բնակչությանը£

Ինչպես ԱրմԻնֆո գործակալությանը տեղեկացվել է ԱԻՆ մամուլի ծառայությունից, այդ նպատակով հատկացվել  է մոտ 37 մլն դրամ ընդհանուր արժեքով գույք` 26 000 տուփ տարբեր պահածոներ, մոտ 40 հազար լիտր խմելու ջուր, 81 վրան, որոնց մեջ տեղավորվում է շուրջ 700 մարդ, 1000 ծածկոց, 6000 սավան, 300 ներքնակ, 460 քնապարկ և բացովի 100 մահճակալ£

Այսօր, ժամը 19.00-ին ՀՀ կողմից մարդասիրական օգնությամբ բեռնված ՙԿԱՄԱԶ՚ մակնիշի ավտոմեքենաները Երևանի Շիրակի 2-րդ նրբանցք 6 (Չարբախ) հասցեում գտնվող ՀՀ ԱԻՆ հատուկ փրկարարական ջոկատի մոտից կուղևորվեն Իրան£ 

Նշենք, որ Իրանը պատկանում է սեյսմիկ առումով վտանգավոր գոտում: Այս տարվա օգոստոսի 11-ին Իրանում տեղի ունեցան մի քանի հզոր երկրաշարժեր: Ընդհանուր առմամբ դիտվել է 10 ստորգետնյա ցնցում: Ամենաուժեղ ցնցումները տեղի ունեցան Թավրիզում` 6.2 բալ և Ահարում` 6.3 բալ: Այս բնակավայրերում խախտվեց էլկտրահաղորդակցությունը, կապը և կոմունիկացիոն մյուս համակարգերը: Ըստ իրանական լրատվամիջոցների, երկրաշարժի զոհերի թիվը կազմեց 306 մարդ: Երկրում հայտարարվել է երկօրյա սուգ: