ՍԹԱՐ-ը գործարկել է ՙԹեժ գիծ՚ նոր հնարավորություններ համացանցի օգտատերերի համար

• Երկուշաբթի, 6 օգոստոսի, 19:40

ՍԹԱՐ առևտրային ցանցը, բարելավելով հաճախորդների սպասարկման որակը, թողարկում է նոր նախագիծ` ՙԱռցանց զանգ՚ (Web call), հիմնվելով ՍԹԱՐ-ի արդեն իսկ գործող Թեժ գծի վրա: Այս ԱրմԻնֆո գործակալությանը տեղեկացվել է Ընկերության մամուլի ծառայությունից:

ՙՍԹԱՐ-ի Թեժ գիծը` ժամանակակից սարքավորումների կիրառմամբ, սկսել է գործել սույն թվականի մայիս ամսից, ինչը թույլ է տալիս առավել արդյունավետ սպասարկել հաճախորդների մեծ քանակ: Սակայն, մինչ այժմ սպասարկումն իրականացվում էր միայն հեռախոսակապի միջոցով: Իսկ այսօր` շնորհիվ ՙԱռցանց զանգ՚ նոր ծառայության, մեր հաճախորդներն ընկերության կայքէջից (www.star.am), ինչպես նաև ֆեյսբուքի էջից (https://www.facebook.com/starsupermarket/app_209149122535956) կարող են կատարել անվճար ձայնային և տեսաձայնային զանգեր ՍԹԱՐ-ի Թեժ գիծ՚,- նշեց ՍԹԱՐ առևտրային ցանցի մարքեթինգի տնօրեն Մարիամ Հարությունյանը: 
  
Նոր ծառայությունը հասանելի կլինի յուրաքանչյուր օր, ժամը 09:00-ից 21:00` համապատասխան Թեժ գծի աշխատանքային ժամերին, և հնարավորություն կտա ՍԹԱՐ-ին ավելի օպերատիվ արձագանքել հաճախորդների հարցերին և դիմումներին:
ՙՀաճախորդների հետ կապը, նրանց խնդիրների լուծմանն ու հարցերին արագ արձագանքը մեզ համար առաջնային հարցերից է: Այդ պատճառով, կարևոր ենք համարում ցանկացած ներդրում, որը կարող է դրական ազդեցություն ունենալ սպասարկման որակի բարելավման վրա՚,- մեկնաբանեց ՍԹԱՐ առևտրային ցանցի մարդկային ռեսուրսների բաժնի տնօրեն Մարիանա Էդիլյանը:

Նշենք, որ ՍԹԱՐ-ը Հայաստանի Հանրապետության տարածքում գործող խոշորագույն առևտրային ցանցերից մեկն է: 2011թ. սեպտեմբերին ընկերությունը ձեռք բերեց ՙՖրեշ՚ սուպերմարկետների ցանցը և ՙՔեթրին՚ խանութները, իսկ դեկտեմբերին պաշտոնապես հայտարարեց այդ ցանցերի կլանման մասին: Ներկայումս ցանցը կառավարում է 30 սուպերմարկետ, որոնք յուրաքանչյուր շաբաթ սպասարկում են ավելի քան 325 000 գնորդների և ապահովում ավելի քան 1800 աշխատատեղ: