Ծաղկաձորի ՙԱդիգազ՚ համալիրի կառավարումը կանցնի Marriott ընկերությանը

• Երեքշաբթի, 3 հուլիսի, 22:15

 ՙՀայՌուսգազարդ՚ ՓԲԸ գլխավոր տնօրենի տեղակալ Իշխան Կարապետյանը և Marriott International Inc ընկերության Միջազգային հյուրանոցային զարգացման եվրոպական մասի տնօրեն Տուոմաս Լաակսոն հուլիսի 3-ին համաձայնագիր կնքեցին, ըստ որի, ՙՀայՌուսգազարդ՚ ՓԲԸ-ին պատկանող Ծաղկաձորի ՙԱդիգազ՚ հանգստյան տան  կառավարումը կանցնի MARRIOTT ընկերությանը, իսկ համալիրը կկրի TSAGHKADZOR MARRIOTT HOTEL անվանումը: Այս մասին ԱրմԻնֆո գործակալությանը տեղեկացվել է Ընկերության մամուլի ծառայությունից:

ՙԱդիգազ՚ հանգստյան տան  վերակառուցման ծրագրի շրջանակում միջազգային ստանդարտներին համապատասխան հյուրանոցային համալիր կառուցելու որոշման արդյունքում դեռևս 13.04.2011թ. ՙՀայՌուսգազարդ՚ ՓԲԸ եւ Marriott International ընկերության Luxury Hotels International Management Company B.V.-ի միջև կնքվել էր ՙՄտադրությունների մասին հուշագիր՚՝ ՙԱդիգազ՚ հանգստյան տունը վերակառուցելու եւ MARRIOTT միջազգային բարձրակարգ հյուրանոցային ցանցին միավորելու վերաբերյալ:

ՙՀայՌուսգազարդ՚ ՓԲԸ եւ MARRIOTT International Design and Construction Services (MIDCS) ընկերության միջև կնքված Միջանկյալ խորհրդատվական ծառայությունների համաձայնագրով նախատեսվում է հյուրանոցի վերակառուցումը իրականացնել MARRIOTT միջազգային բարձրակարգ հյուրանոցային բրենդի չափանիշներին համապատասխան:

Ինչպես նշեց Իշխան Կարապետյանը, վերակառուցման ծրագրի համար հիմք հանդիսացան Հայաստանի զբոսաշրջության զարգացման ուղղությամբ ՀՀ նախագահ Ս.Սարգսյանի նախընտրական ծրագրում ամրագրված դրույթները: ՙՆախագիծը կյանքի կոչվեց եւ դարձավ իրականություն ՙԳազպրոմ՚« ընկերության գործուն եւ իրական աջակցության արդյունքում: Չնայած նրան, որ հյուրանոցային համալիրը ՙՀայՌուսգազարդ՚-ի համար գործունեության հիմնական ուղղություն չի հանդիսանում, այնուամենայնիվ, հարկ եմ համարում ընգծել, որ այն իր տեխնիկական եւ դիզայներական լուծումներով համապատասխանում է հյուրանոցային բիզնեսում ընդունված ամենաբարձր չափանիշներին՚, - ասաց ՀայՌուսգազարդե ՓԲԸ գլխավոր տնօրենի տեղակալը:

Marriot International Inc ընկերության Միջազգային հյուրանոցային զարգացման եվրոպական մասի տնօրեն Տուոմաս Լաակսոն իր հերթին գոհունակությամբ նշեց, որ այս նախագծի միջոցով Marriot ընկերությունն ընդլայնում է իր հնարավորություններն տարածաշրջանում, մասնավորապես Հայաստանում:

ՙՄենք մեծ ակնկալիքով ցանկանում ենք համագործակցել «ՀայՌուսգազարդե-ի հետ, որպես հուսալի գործընկերոջ: ՙՀայՌուսգազարդ՚-ի մեր գործընկերների հետ համագործակցելով՝ մենք ցանկանում ենք ստեղծել կարիերայի զարգացման հնարավորություններ, ինչպես նաեւ ժամանցի ու հանգստի պայմաններ մեր հյուրերի համար՚, - ասաց Տուոմաս Լաակսոն:

Հյուրանոցային համալիրի բացումը նախատեսվում է 2012 թվականի սեպտեմբերին`  միջազգային զբոսաշրջային շուկային առաջարկելով մրցունակ զբոսաշրջային արդյունք և բարձրակարգ ծառայություններ:

Հյուրանոցային համալիրի շինարարությունն ու ձևավորումը իրականացվել է միջազգային ամենաբարձր չափանիշներին համապատասխան և հսկվել է համաշխարհային բարձր որակավորում ունեցող մասնագետների կողմից:

Հյուրանոցը ունի ավելի քան 100 համար, հյուրանոցում ընդգրկված է ծառայությունների մատուցման լայն սպեկտոր և ժամանցի կազմակերպման ամենատարբեր առաջարկներ: 

Հյուրանոցի շահագործումը ևս մեկ առաջընթաց քայլ է Հայաստանում զբոսաշրջության ոլորտի կայուն զարգացումն ապահովելու և օտարերկրյա շուկաներում հայաստանյան զբոսաշրջային արդյունքը խթանելու համար: