Սևանի հատակին հին ձկնորսական նավակ են գտել

• Հինգշաբթի, 26 հուլիսի, 17:37

Սևանի հատակին հին ձկնորսական նավակ են գտել: Գյուտն արվել է 2011 թվականին հայ-ֆրանսիական ստորջրյա գիտարշավի շրջանակում:

Ինչպես հուլիսի 26-ի մամուլի ասուլիսում պատմել է գիտարշավի մասնակից Ստեփան Քոջանյանը, նավակի լայնությունը 2 մետր է, իսկ երկարությունը` 18 մետր: Նավակը խորտակվել է  Սևանի թերակղզուց ոչ հեռու և գտնվում է 16 մետր խորության վրա: Յուրրօրինակ բոնուս են դարձել նաև ձկների կտորները և ձկնորսական ցանցը: Քոջանյանի ասելով, գտածոների տարիքը կորոշեն ՀՀ ԳԱԱ Հնագիտության և ազգագրության ինստիտուտի մասնագետները: ՙՄեր հետագա քայլերը կախված կլինեն ստացված արդյունքներից՚, - նշել է նա: Չի բացառվում, որ անհրաժեշտության դեպքում ջրի տակ պեղումներ անցակցվեն: Ուշագրավ է, որ հին նավակն անվանվել է ՙVahe 1՚` գիտարշավի մասնակից Վահե Մելքոնյանի պատվին, ով այն հայտնաբերել է Սևանի ջրերում:

Արդեն երրորդ տարին Սևանում ընթացող հայ-ֆրանսիական գիտարշավի  շրջանակում  ջրից հանվում են ավազի և տիղմի նմուշներ, իրականացվում է ստորջրյա լուսանկարահանում: Ստացված նյութերը հետագայում տրամադրվում են ՀՀ ԳԱԱ Հիդրոլոգիայի և ձկնաբանության ինստիտուտին` հետագա ուսումնասիրման համար:

Գիտարշավն անցկացվում է ՀՀ-ում Ֆրանսիայի դեսպանության, ՙՍևան՚ ազգային  պարկի, ՀՀ բնապահպանության նախարարության աջակցությամբ: