ԵԽ Հայաստանի համար մշակել է գործողություններ պլանը, 15 մլն.եվրո արժեքով

• Ուրբաթ, 29 հունիսի, 02:16

 Եվրոպայի Խորհուրդը Հայաստանի համար մշակել է գործողություններ պլան, հանրապետության զարգացմանը նպաստելու նպատակով: 2012-2014 թվականների Պլանի շնորհանդեսը տեղի կունանա Երևանում, հուլիսի 12-ին: Այս մասին Ստրասբուրգում ԱրմԻնֆո գործակալության հատուկ թղթակցին տեղեկացրել է Եվրոպայի Խորհրդի գլխավոր քարտուղարի տեղակալ, ծրագրի գլխավոր տնօրեն Կլաուդիա Լուչիանին (Claudia Luciani):

Նրա խոսքերով, գործողությունների Պլանի առանցքային նպատակն է Հայաստանին աջակցել օրնսդրական բարեփոխումների հարցում: ՙՑանկացած երկրի համար սա շատ բարդ ընթացակարգ է: Եթե նայեք ԵԽ ստանդարտներին Հայաստանի օրենսդրության համապատասխանությանը, ապա կհամոզվեք, որ դրանք շատ լավն են: Բայց միայն թղթի վրա, իրականում ամեն ինչ այլ է: Սակայն մեր առջև դրված չէ օրենքները փոփոխելու խնդիրը, մենք մտադիր ենք զբաղվել դրանց իրականացման խնդիրներով, այսինքն, որպեսզի այդ օրենքները համապատասխանեն ԵԽ ստանդարտներին՚,-նշել է գլխավոր քարտուղարի տեղակալը: Նա նշել է, որ այդ պրոբլեմն առաջանում է Հայաստանի վերաբերյալ բոլոր զեկույցներում: Գործողությունների պլանն ընդգրկում է այնպիսի կարևոր ոլորտներ, ինչպիսիք են ընտրությունները, դատա-իրավական համակարգը, կոռուպցիայի դեմ պայքարը և կիբերհանցագործությունները:

Լուչիանին ընդգծել է, որ Պլանի մշակմումը տևել է մեկ տարի: ՙՆախաձեռնությունը քննարկվել է Հայաստանի իշխանությունների հետ, հաշվի են առնվել հայկական կողմի պահանջները: Գործողությունների Պլանը դա գործընկեր-երկրի նկատմամբ հատուկ պարտավորությունների վկայությունն է: Անելիքները շատ են, ներգրավված են հսկայական միջոցներ, արդյունքում` մենք սերտորեն կհամագործակցենք ոչ միայն իշխանությոնների, այլ նաև քաղաքացիական հասարակության հետ: Գործողությունների Պլանը թույլ կտա սերտ համագործակցել և խթան կհանդիսանա ԵԽ հետ Հայաստանի մերձեցման ուղղությամբ՚,-ասել է նա: Նա նշել է, որ նման աշխատանքներ կատարվել են նաև Ուկրաինայում, գործողություններ Պլան է մշակվում նաև Ադրբեջանի համար:

Խոսելով հարցի ֆինանսական կողմի մասին, Լուչիանին նշել է, որ Պլանի նախաձեռնողներին կպահանջվի օգնություն, և Պլանի շնորհանդեսը Երևանում, հուլիսի 12-ին, նույնպես նախատեսված է դոնորների ներգրավման նպատակով: ՙԵԽ ունի հսկայական մարդկային ռեսուրսներ, բայց ֆինանսական առումով աջակցության կարիք ունի: Կարևոր է, որպեսզի շահագրգիռ կողմերը ոչ միայն կիսեն Հայաստանին աջակցելու գաղափարը, այլ կարողանան ֆինանսապես աջակցել Հայաստանին՚,-նշել է նա: Նա տեղեկացրել է, որ Պլանի ընդհանուր արժեքը կազմում է 15 մլն.եվրո, որից 5 մլն.եվրոն արդեն կա: Միջոցները կուղղվեն 19 ծրագրերի իրականացմանը մարդու իրավունքների պաշտպանության և ժողովրդավարության ոլորտներում: Որպես դոնոր հանդես են գալիս ԵվրաԽորհուրդը, ինչպես նաև Դանիան, Նորվեգիան և Շվեյցարիան: