Երևանի քաղաքապետարանը կանաչ լույս է տվել Փակ շուկայի քանդմանը

• Ուրբաթ, 1 հունիսի, 01:04

 Երևանի քաղաքապետարանը կանաչ լույս է տվել Հայաստանի պատմական տեսարժան վայր համարվող Փակ շուկայի քանդմանը: Այդ մասին այսօր հայտարարել է ՙԺառանգություն՚ կուսակցության անդամ Ստեփան Սաֆարյանը:

Նա գտնում է, որ թե’ Մշակույթի նախարարությունը, թե’ Երևանի քաղաքապեարանը պետք է քրեական պատիժ կրեն պատմական հուշարձանի քանդմանը մասնակցելու համար: Քանի որ հենց Մշակույթի  նախարարությունն է նոր էսքիզային նախագծով շուկայի տարածքում շինարարական աշխատանքների իրականացման թույլտվություն տվել, ինչն ուղղակի անթույլատրելի է: Քաղաքապետարանն իր հերթին շուկայի տարածքում հողային  աշխատանքների իրականացման թույլտվություն է ստորագրել, և դա այն ժամանակ, երբ շուկայի կեսն արդեն քանդված էր:

ՙԵրևանի քաղաքապետարանը  Փակ շուկայի ստորգետնյա հատվածի կառուցման հավանություն էր տվել`շենքի հիմնակմախքի պահպանման պայմանով, քանի որ պատմական արժեք ներկայացնող շենքերը ենթակա չեն քանդման և քրեորեն պատժելի են: Բայց արդյունքում շուկայի մեկ երրորդը քանդվել է, ինչի առնչությամբ մենք հայց ենք ներկայացրել Ոստիկանության կենտրոնական բաժին`առանց հանրային քննարկումներ անցկացնելու պատմական արժեք ունեցող շենքի քանդման վերաբերյալ: