Հոգեբան. Ընդունելության քննությունների նախաշեմին սթրեսը նորմալ երևույթ է

• Երկուշաբթի, 4 հունիսի, 02:29

Ընդունելության քննություններն, իրոք, այն լուրջ և պատասխանատու սահմանն է, որը որոշում է, թե ինչ ուղիով կընթանա մարդու զարգացումը, այսինքն նրա ճակատագիրն ու հաջողությունները: Կյանքի ուղու հատկապես այս հատվածում է, երբ բոլորովին պատանի մարդիկ բախվում են աներևակայելի լարվածության, որը հաճխ վեր է լինում նրանց ուժերից: Այսօր Երևանում կայացած մամուլի ասուլիսում նման տեսակետ է արտահայտել հոգեբանական գիտությունների թեկնածու, դոցենտ Կարինե Նալչաջյանը, անդրադառնալով սթրեսային իրավիճակներն, որոնք առաջանում են շրջանավարտների ու նրանց ծնողների շրջանում միասնական պետական քննություններ հանձնելիս:

Այնուամենայնիվ, հոգեբանը նշել է, որ ընդունելության քննություններից առաջ սթրեսը նորմալ երևույթ է: ՙԵթե չլիներ սթրեսը, ապա իրոք, հարկավոր էր անհանգստանալ, իսկ այժմ անհանգստության պատճառներ չկան՚,-հայտարարել է նա: Դիմելով բոլոր դիմորդներին ու նրանց ծնողներին, հոգեբանը խորհուրդ է տվել իրավիճակն ավելորդ չլարել: ՙՏարբեր վախերը, իրական և հորինված, անորոշության հետ կապված, որոնք սպասվում են քննությունների ժամանակ, միայն ուժգնացնում են տագնապն ու հուզմունքը: Աշխատեք քննության մասին մտածել միայն դրականորեն: Երբեմն սովորողն ինքն է իրեն դրդում է անհաջողության, խիստ գերագնահատելով փորձության բարդությունը կամ էլ թերագնահատելով իր հնարավորությունները: Իսկ արդյունքում, չի հանձնում քննությունը՚,-նշել է նա: Նալչաջյանը նաև խորհուրդ է տվել ընդունելության քննությունները չսարքել գերխնդիր և բարձրագույն նպատակ, անհաջողության դեպքում հիստերիկայի մեջ չընկնելուց խուսափելու համար:

Հոգեբանը նաև նշել է, որ սթրեսագեն իրավիճակները հիմնականում առաջանում են ծնողների մոտ, արդարացի քննությունների անցկացման նկատմամբ անվստահության հետևանքով: ՙՍթրեսային իրավիճակները կհասնեն նվազագույնին, եթե դիմորդներն ու նրանց ծնողները վստահ կլինեն, որ իրենց գիտելիքները կգնահատվեն օբյեկտիվորեն, սակայն հարկ է նշել, որ շատ հաճախ ծնողները գերագնահատում են իրենց երեխաների հնարավորությունները, և անհաջողության դեպքում, սթրեսները հասնում են առավելագույնի: Հարկավոր է մշակել սեփական գիտելիքների օբյեկտիվ գնահատման սեփական մեխանիզմ՚,-եզրափակել է հոգեբանը: