Երևանում կհայտնվի ՙՑանկությունների պատ՚

• Ուրբաթ, 1 հունիսի, 19:42

Մայրաքաղաքի արտաքին տեսքի բարելավման ծրագրերին հանրության մասնակցությունն առավել ակտիվ դարձնելու նպատակովª Երևանի քաղաքապետարանը և Ամերիաբանկը նախաձեռնել են ՙՑանկությունների պատ՚ ծրագիրը, որի շրջանակում բնակչությանը հնարավորություն է ընձեռվում իրագործել ավելին` մայրաքաղաքի արտաքին ձևավորման առնչությամբ իրենց կարծիքներն ու առաջարկությունները ներկայացնելու միջոցով:

Ինչպես ԱրմԻնֆո գործակալությանը հաղորդեցին Երևանի քաղաքապետարանի տեղեկատվության և հասարակայնության հետ կապերի վարչությունից, ծրագիրը կմեկնարկի հունիսի 1–ին, ժամը 15:00–ին Հյուսիսային պողոտայի (Square 1-ի և Armani խանութ սրահի միջակայքում) և Աբովյան փողոցի հատման հատվածում և կավարտվի հունիսի 15–ին: Երեխաների պաշտպանության միջազգային օրվա առթիվ մայրաքաղաքի փոքրիկ բնակիչներին հնարավորություն է տրվում օգտվել ավելին անելու հնարավորությունից և ՙցանկությունների պատին՚ նկարների միջոցով առաջինն արտահայտել մայրաքաղաքն առավել բարետես դարձնելուն ուղղված իրենց ցանկությունները£ Հունիսի 4-ից ՙցանկությունների պատեր՚ կտեղակայվեն նաև Կասկադում (Ալեքսանդր Թամանյանի արձանի հարևանությամբ), ՙՄոսկվա՚ կինոթատրոնի հարակից Ազնավուրի անվան հրապարակում, Կոմիտասի պողոտա–Կասյան փողոց խաչմերուկում և արեգին Նժդեհի հրապարակում£ Բոլոր տարածքներում կլինեն գործընթացը համակարգող անձիք:

Ակցիայի ավարտից հետո կուսումնասիրվեն բոլոր առաջարկություններն ու կարծիքները և առավել ուշագրավ ու տպավորիչ ցանկությունները կիրագործվեն Ամերիաբանկի ֆինանսավորմամբ: