Արաբական իմամը 450 հազար դոլար է խոստացել Բաշար Ասադի գլխի համար

• Երեքշաբթի, 29 մայիսի, 18:17

Երևան: 29.05.12: ԱրմԻնֆո: Սաուդյան Արաբիայի հեղինակավոր կրոնական գործիչ իմամ Ալի ալ Ռաբիեին մտադիր է 450 հազար դոլար վճարել այն անձին, ով կարողանա վերացնել Սիրիայի նախագահ Բաշար Ասադին: Կրոնական գործչին նմնա քայլի  են դրդել Սիրիայի Հուլա քաղաքում կառավարական զորքերի անցկացրած սպանդի վրաբերյալ լուրերը, հաղորդում է Al Jazeera-ն: Աղբյուրը նշում է, որ սաուդյան արքայական պալատից առայժմ պաշտոնական մեկնաբանություններ չեն հնչել:

Հիշեցնենք, որ սիրիական ընդդիմության հենակետ դարձած Հուլա քաղաքը մայիսի 25-ին  ենթարկվել էր ականանետային և հրետանային գնդակոծության, իչի հետևանքով ավելի քան 100 մարդ է զոհվել: Տեղի բնակիչները գրոհի համար պատասխանատվությունը դրել են Բաշար Ասադի կողմից հանդես եկող ՙՇաբիհա՚ ջոկատների վրա: Պաշտոնական Դամասկոսն իր հերթին զանգվածային սպանությունների համար մեղադրել է ՙԱլ Քաեդայի՚ ահաբեկիչներին: Այդ գրոհի առնչությամբ ծայրահեղ վրդովմունք է հայտնել ՄԱԿ Անվտանգության խորուրդը: ԱՄՆ պաշտպանության նախարարությունն իր հերթին հաղորդել է, թե Վաշինգոնը պատրաստ է քննարկել Սիրիայի դիմակայությանը ռազմական միջամտության տարբերակները: