Իրանն արգելել է Ադրբեջանից բեռնատար մեքենաների մուտքն իր տարածք

• Չորեքշաբթի, 23 մայիսի, 23:35

Բաքու: 23.05.12: ԱրմԻնֆո: Մայիսի 22-ից Իրանի իշխանություններն արգելել են Ադրբեջանի տարածքից բեռնատար տրանսպորտի մուտքն իրենց տարածք: Այս մասին Turan գործակալությանը հայտնել են սահմանում կանգնած բեռնատարների վարորդները: Սահմանային անցակետից հայտնել են, որ իրանական կողմը թույլ է տալիս միայն ավտոբուսների մուտքը և անհայտ պատճառներով արգելել է բեռնատար տրանսպորտի մուտքը: Ներկայումս սահմանին կուտակվել են տասնյակ բեռնատարներ: Նշենք, որ բեռնատարների մուտքի արգելքը զուգադիպել է երկկողմ հարաբերությունների կտրուկ սրման հետևանքով Բաքվից Իրանի դեսպանի հետկանչման հետ: