Բաքվում ՙԵվրատեսիլ՚ մրցույթի դեմ ուղղված թռուցիկներ և սկավառակներ են հայտնվել

• Երկուշաբթի, 21 մայիսի, 18:18

Երևան: 21.05.12: ԱրմԻնֆո: Անցած գիշեր Ադրբեջանի մայրաքաղաքի տարբեր շրջանների շենքերի շքամուտքերում հայտնաբերվել են ՙԵվրատեսիլ՚ մրցույթի և գեյ-շքերթների անցկացումը դատապարտող թռուցիկներ և սկավառակներ, որոնցում քննադատության է ենթարկվում իսլամականների հետապնդմանն ու սիոնականների հետ համագործակցությանը նպատակաուղղված Ադրբեջանի իշխանությունների քաղաքականությունը: ՙԹուրան՚ գործակալության ոչ պաշտոնական տեղեկությունների համաձայն, այդ քարոզչական նյութերի տարածման համար մի քանի մարդ է ձերբակալվել:

Հիշեցնենք, որ նախորդ օրը երեկոյան Բաքվում կայացել է ՙԵվրատեսիլ-2012՚ բացման արարողությունը: Մրցույթի կիսաեզրափակիչ փուլերը կկայանան մայիսի 22-ին և 24-ին, իսկ եզրափակիչ փուլը` մայիսի 26-ին: Ադրբեջանը ՙԵվրատեսիլ-2012՚ անցկացման իրավունքը նվաճել էր Դյուսելդորֆում ՙԵվրատեսիլ-2011՚ մրցույցում Էլդար Գասիմովի և Նիգյար Ջամալի հաղթանակից հետո