Թուրքիայի նախագահն ստորագրել է օտարերկրացիների կողմից անշարժ գույքի ձեռք բերման մասին օրենքը

• Ուրբաթ, 18 մայիսի, 23:33

 Թուրքիայի նախագահ Աբդուլլահ Գյուլն ստորագրել է օրենք, որն օտարերկրյա քաղաքացիներին թույլ է տալիս անշարժ գույք ձեռք բերել Թուրքիայում, հաղորդում է ՙՍաբահ՚ թերթը` վկայակոչելով Թուրքիայի նախագահի աշխատակազմի մամուլի ծառայությունը: Թուրքիայի ազգային մեծ ժողովն օրենքն ընդունել էր մայիսի սկզբին: Աղբյուրի համաձայն, օտարերկրյա քաղաքացիները կարող են ձեռք բերել մինչև 60 հա հող` Թուրքիայի կառավարության համապատասխան թույլտվության առկայության դեպքում:

Ինչպես ՙԹրենդ՚ գործակալությանն ավելի վաղ հաղորդել էր Թուրքիայի էկոնոմիկայի նախարար Ալփարսլան Յըլմազը, նախկինում արգելվում էր հող վաճառել ռազմական օբյեկտների կամ դրանց մերձակա տարածքում: Իսկ այժմ, օրենքի համաձայն, օտարերկրյա քաղաքացիները կարող են հողամաս ձեռք բերել ռազմական օբյեկտի տարածքում` Թուրքիայի զինված ուժերի գլխավոր շտաբի թույլտվությամբ: Օրենքը թույլ է տալիս օտարերկրյա քաղաքացիներին վաճառել երկրի յուրաքանչյուր գավառի հողամասերի ընդհանուր մակերեսի 10 տոկոսից ոչ ավելին: Ավելի վաղ Թուրքիայում կարող էին հող ձեռք բերել միայն այն երկրների քաղաքացիները, որտեղ հողամաս կարող էին ձեռք բերել Թուրքիայի քաղաքացիները: