Ուկրաինան մտադիր է իր ստորերկրյա գազապահեստարանները տրամադրել Թուրքիային և եվրոպական ընկերություններին

• Հինգշաբթի, 17 մայիսի, 18:14

Երևան: 17.05.12: ԱրմԻնֆո: Ուկրաինան Թուրքիային և եվրոպական էներգետիկ ընկերություններին առաջարկել է օգտագործել ուկրաինական ստորերկրյա գազապահեստարանները` առևտրային հիմունքով: Այդ մասին հաղորդել է Թուրքիայում Ուկրաինայի դեսպան Սերգեյ Կորսունսկին Փարիզում ընթացող ՙԱՊՀ նավթն ու գազը՚ գագաթնաժողովում: Դեսպանի հավաստմամբ, նախնական բանակցությունները ցույց են տվել, որ ուկրաինական կողմի առաջարկությունը հետաքրքրություն է հարուցել, մասնավորապես, թուրքական կողմում: Ուկրաինայի դեսպանը պարզաբանել է, որ այդպիսով գազ սպառողներն իրենց կապահովեն ձմռանը դրա մատակարարումների հնարավոր ընդհատումներից` ուկրաինական գազապահեստարաններում պահելով, օրինակ, ամռանն ավելի ցածր գնով ձեռք բերած իրենց սեփական գազը: Կորսունսկին չի հստակեցրել հարցի առևտրային մանրամասները և հզորությունների ծավալը, որոնք Ուկրաինան պատրաստ է տրամադրել գազի պահեստավորման համար, հաղորդում է Ռուսաստանի ՙՆովոստի՚ լրատվական գործակալությունը: