Կոնստանտին Զատուլին. Ադրբեջանը պետք է պակաս զգացմունքայնություն ցուցաբերի

• Չորեքշաբթի, 30 մայիսի, 21:32

 Ադրբեջանը պետք է պակաս զգացմունքայնություն ցուցաբերի ղարաբաղյան հակամարտության  հարցում: Բաքուն մեղադրանքներ է առաջ քաշում և այդպիսով հազիվ թե մեծացնում իր հնարավորությունները բանակցային գործընթացում: Այսօր Երևանում մամլո ասուլիսի ժամանակ այդպիսի կարծիք է հայտնել ԱՊՀ երկրների ինստիտուտի տնօրեն Կոնստանտին Զատուլինը:

Նրա խոսքով, ԼՂՀ այցելելու համար ադրբեջանական կողմին իրեն ՙանցանկալի անձ՚ է հայտարարել: ՙՀաշվի առնելով, որ ես ամենևին չէի պատրաստվում այցելել Ադրբեջան, Բաքվի նման վարքագիծն ուղղակի անհեթեթ է: Ինձանից բացի, ՙանցանկալի անձ՚ է հայտարարվել  ԼՂՀ այցելած շուրջ 150 դիտորդ՚,- նշել է Զատուլինը:

Հայաստանը, նրա խոսքով, ՀԱՊԿ անդամ է, և դա, անշուշտ, առավելություն է ոչ միայն իր անվտանգության ապահավոման հարցում, այլ նաև Ռուսաստանի հետ փոխհարաբերությունների զարգացման առումով: ՙՀայաստանի նախագահ Սերժ Սարգսյանն արդեն հրավիրել է ՌԴ նորընտիր նախագահ Վլադիմիր Պուտինին այցելել Հայաստան սեպտեմբերի 3-ին 9-ը Հայաստանում կայանալիք ՀԱՊԿ ՕԱՀՈւ զորավարժությունների ժամանակահատվածում, և բոլորին հայտնի է, որ Վլադիմիր Վլադիմիրովիչը ջերմ զգացմունքներ է տածում Հայաստանի նկատմամբ՚,- ընդգծել է Զատուլինը:

Նա նաև նշել է, որ ողջունում է Վլադիմիր Պուտինի  ՌԴ նախագահ ընտրվելը, քանի որ նա փորձառու քաղաքական գործիչ է` հաստատակամ արտաքին հարաբերությունների հարցերում: ՙՆա չի փոխի իր վերաբերմունքը Հայաստանի հանդեպ և հաստատ գիտի ինչպես վարվել ղարաբաղյան հակամարտության հարցում՚,- ամփոփել է Զատուլինը: