Դավիթ Հարությունյան. ԵԽԽՎ զեկույցը լի է մանիպուլյացիաներով

• Շաբաթ, 26 մայիսի, 18:34

Մայիսի 25-ին Ալբանիայի մայրաքաղաք Տիրանայում տեղի է ունեցել Եվրոպայի խորհրդի խորհրդարանական վեհաժողովի Մշտական հանձնաժողովի հերթական նիստը, որտեղ ներկայացվել է մայիսի 6-ին կայացած ՀՀ ԱԺ ընտրությունների ԵԽԽՎ դիտորդական առաքելության զեկույցը՝ առաքելության ղեկավար բարոնուհի Էմմա Նիքըլսընի գլխավորությամբ: 13 էջանոց զեկույցը հարուցել է ՀՀ պատվիրակության ղեկավար, ԱԺ պատգամավոր Դավիթ Հարությունյանի«զարմանքը եւ տարակուսանքըե՝ ներկայացված գնահատականների վերաբերյալ:

Մասնավորապես, արձագանքելով զեկույցում արձանագրված «ընտրացուցակների վերաբերյալ անճշտություններիե մասին պնդումներին, Դ.Հարությունյանը ընդգծել է. «...Հայաստանն ընտրողների ճշգրիտ ցուցակներ կազմելու գործում նշանակալի հաջողություններ է արձանագրել` հետևելով Վենետիկի հանձնաժողովի և ԵԱՀԿ ԺՀՄԻԳ-ի առաջարկություններին: Զեկույցի բոլոր մեղադրանքները մակերեսային են, և անտեսում են հայաստանյան իշխանությունների ցանկացած ողջամիտ բացատրությունե:

Հայկական ներքաղաքական դաշտում տարատեսակ մեկնաբանությունների առիթ դարձած եւ ԵԽԽՎ զեկույցի հեղինակին «անակնկալի բերածե՝ նոր անձնագրերի մեծ թվի մասին հիշատակմանը՝ Դ.Հարությունյանը տվել է հետաքրքիր մեկնաբանություն. «2011-2012թթ ընթացքում տրված անձնագրերի մեծ թիվը … պարզապես բացատրվում է այն փաստով, որ Հայաստանը սկսել է տրամադրել ազգային անձնագրեր երկու տասնամյակ առաջ` 1992 թվականից` 10 տարի ժամկետովե, եւ բնական է, որ 2011-2012թթ հին անձնագրերը պետք է փոխարինվեն նորերով:

Հղում անելով 1990-94թթ ծնելիության եւ մահացության ցուցանիշերի տարբերությանը, Դ.Հարությունյանը նաեւ մեկնաբանել է ընտրողների թվի աճը, ասելով, որ այդ թվերի ծնելության ցուցանիշը «գերազանցում է մահացության ցուցանիշը մոտավորապես 270 հազարովե, ուստի 2012-ին այդ քաղաքացիները առաջին անգամ ստացել են ընտրության իրավունք եւ համալրել ընտրազանգվածը:

«Այս կողմնակալ և անարդար զեկույցի վնասելու ազդեցությունը նվազեցնելու համար ես լիազորված եմ պաշտոնապես հրավիրել ԵԱՀԿ ԺՀՄԻԳ-ին իրականացնել հետընտրական առաքելություն` ընտրողների ցուցակների անճշտությունները վերստուգելու համարե, - ԵԽԽՎ ամբիոնում հայտարարել է Դ.Հարությունյանը:

«Զեկույցը լի է մանիպուլյացիաներովե, ասել է Դ.Հարությունյանը՝ բերելով մի քանի օրինակներ, ինչպես նաեւ համեմատելով ներկայացված զեկույցը մեկ այլ եվրոպական գնահատականի՝ ԵԱՀԿ/ԺՀՄԻԳ զեկույցի հետ: «ԵԽԽՎ դիտորդական առաքելությունը պետք է ուսումնասիրի և զեկույց հրապարակի ինքնուրույնաբար... այն պետք է հիմնված լինի միայն իրական, ուղղակի ուսումնասիրությունների վրա, այլ ոչ թե`խոսք ու զրույցիե, - առաջարկել է ՀՀ պատվիրակության ղեկավարը: