Քաղաքագետ. Հայաստանում անցկացված զորահանդեսից հետո Իլհամ Ալիևի սպառնալիքները հօդս են ցնդել

• Ուրբաթ, 25 մայիսի, 23:25

Սեպտեմբերի 21-ին Հանրապետության հրապարակում անցկացված զորահանդեսից հետո Ադրբեջանի նախագահ Իլհամ Ալիևի սպառնալիքները հօդս են ցնդել: Այդ մասին Երևանում ՙԿովկաս-2011՚ միջազգային գիտաժողովի ժամանակ հայտարարել է Կովկասի ինստիտուտի տնօրեն, քաղաքագետ Ալեքսանդր Իսկանդարյանը:

ՙՌազմական տեխնիկայի ցուցադրությունից հետո, որը շատ ավելի արժե, քան Հայաստանի բյուջեն, հատկապես մեծ քանակությամբ և նման տարատեսակությամբ, խոսել Հայաստանի ինչ-որ թուլությունների, Ադրբեջանի նավթի ու գազի հարստության մասին, անշուշտ, կարելի է, բայց դրանք դատարկ խոսքեր կլինեն՚,-նշել է նա:

Բաքվի ՙԶերկալո՚ թերթի քաղաքական մեկնաբան Ռաուֆ Միրկադիրովն իր հերթին հայտարարել է, որ զորահանդեսները ոչինչ չեն փոխում ղարաբաղյան հակամարտության կարգավորման հարցում և միայն հանգեցնում են հասարակության ներսում ագրեսիայի, որն արդեն հոգնել է Հայաստանի և Ադրբեջանի նախագահների խոստումներից: Միրկադիրովը խոսել է Ղարաբաղյան հակամարտության երկու կողմերի մասին, սակայն պետք է նշել, որ միայն Ադրբեջանն է սպառնում պատերազմի սկսմամբ և հսկայական քանակությամբ ռազմական տեխնիկա գնում, ինչին հայկական կողմը պատասխանում է շատ հանգիստ և կշռադատված: