Փետրվարի 22-ին ՙՀովեր՚ երգչախումբը կնշի հիմնադրման 20-ամյա հոբելյանը

• Ուրբաթ, 17 փետրվարի, 03:04

 ՙՀովեր՚ պետական կամերային երգչախումբը պատրաստվում է նշել իր հիմնադրման 20-ամյա հոբելյանը:

Երկու տասնամյակի ընթացքում ՙՀովերը՚ ճանաչում է ձեռք  բերել ինչպես Հայաստանում, այնպես էլ նրա սահմաններից դուրս: Երգչախմբի հաջողությունների թվում է մանսակցությունը Մոսկովյան զատկի փառատոնին և միջազգային La Fabbrica del Canto երգչախմբային փառատոնին (Իտալիա): Բացի այդ 2006 թվականին ՙՀովերը՚ 12 համերգ է տվել Ֆրանսիայում Հայաստանի տարվա շրջանակներում: Իր գործուենության տարիներին երիգչախումբը հյուրախաղերով հանդես է եկել, գործնականում, ողջ Եվրոպայում և մտադիր չէ դրանով սահմանափակվել:

Ինչպես ԱրմԻնֆոյի թղթակցի հետ զրույցում պատմել է երգչախմբի գլխավոր դիրիժոր և գեղարվեստական ղեկավար, ՀՀ արվեստի վաստակավոր գործիչ Սոնա Հովհաննիսյանը, վերջերս երգչախմբի ներսում ձևավորվել է նոր սեպտետ է (յոթնյակ), որի առաջին համերգը կայացել է հունվարի 22-ին Ֆրանսիայում: ՙԴա շատ հեռանկարային համույթ է, որն արդեն պայմանավորվածություններ ունի Անգլիայում, Ֆրանսիայում և Գերմանիայում համերգների շուրջ՚, - հաղորդել է Ս.Հովհաննիսյանը:

Ինչ վերաբերում է  20-ամյակի տոնակատարությանը, ապա հոբելյանի կենտրոնական համերգը տեղի է ունենալու փետրվարի 22-ին Կամերային երաժշտության տանը: ՙԴա կլինի համագործակցությունների համերգ մենակատարների անսամբլի հետ, տարբեր դիրիժորների` Էդուարդ Թոփչյանի, Սամվել Վարդանյանի, Զավեն Սիմոնյանի հետ, ՙՀովերը՚ կներկայանա տարբեր ոճերի համարներով՚, - նշել է երգչախմբի ղեկավարը: Համերգը կսկսվի Բեթհովենի ՙԽաղաղ ծով, երջանիկ նավագնացություն՚ նվագախմբի և երգչախմբի համար գրած ստեղծագործության պրեմիերայով, հնչելու են նաև Կոմիտասի խմբերգեր:

Երեկոյի անակնկալներից մեկը կլինի հատվածը ՙԶուգահեռ՚ ներկայացումից, որի հեղինակը ՙՀովեր՚ երգչախումբն է: